Shillong, Oct 17: Meghalaya-ni dam-10 public health facility-rang National Quality Assurance Standards (NQAS) Certification-ko man·angaha.
Ia chu·sokaniara sanna-bananio kam ka·gipa manderangni bakrime, on·kange aro niksamsoe kam ka·aniko mesoka ine Director of Health Services-ni (MI) parakataha.
Ia health facility-rangara Ganesh Das MCH Hospital, Shillong, Marngar PHC (Ri-Bhoi District), Siju PHC (South Garo Hills District), Nongalbibra PHC (South Garo Hills District), Pomlum PHC (East Khasi Hills District); Asananggre PHC (West Garo Hills District); Babadam PHC (West Garo Hills District), Wagesi PHC (North Garo Hills District), Salmanpara PHC (South West Garo Hills District), aro Gabil PHC (North Garo Hills District).
Unbaksana a·dok gimiko dam 91 SC HWC-rang (AAM) NQAS Certification-ko man·angaha, aro iana skangba Pasteur’s Institute- Central Laboratory aro The State Food Testing Laboratory NABL Accreditation-ko man·e Meghalaya-o sanna-banani, laboratory service-rang aro manderangni an·seng-baljokaniko nambatatna on·kange kam ka·aniko mesokangaha.
“Ia chu·sokanirangara nambata sanna-bananiko ra·bana Meghalaya-ni gisik nanganikosan mesokaija, indiba officer-rang, medical team-rang aro frontline health-worker-rangni an·tangtangko on·kange, somoitangna batpile dangdike on·anichi ia gadangona sokna man·aha ine mesoka.
Unbaksana, medical officer-rang, specialist-rang, nursing staff aro assistant-rang, aro mongsongbate dingtang dingtang kamrang aro chanchisamsoanirangko dakgipa quality manager-rangkoba namen mitelna kraa. Quality manager-rangan chanchisamsoani, see rakkiani, aro uandakgipa kamrangko ka·e pilak gadangrangni kamrangko name chu·sokatna dakchakaha,” ine Sukrobar salo DHS parakataha.
Ia dingtanganiko ra·bagipa ja·ku de·anirangko Joint Directorate Committee-ni (JDC) ning·o ge·gittam Directorate-rang – DHS (MI), DHS (MCH&FW) aro DHS (E&R) Joint Directorate Quality Committee gita nirokaha aro dilangaha.
Dingtang dingtang training-rang, chu·onggijanirangko on·dapanirang, mock assessment-rang aro biapona re·ange skie on·anirangko dake JQDC ia kamrangko ka·dilangaha. MMDSL, NHM-rang bakrime kamrangko ka·angpaaha aro MHSSP aro MHIS-ni IPA programme aro insurance-chi tangka-paisani dakchakanirangko on·ange District Quality Team-rang, Health Engineering Wing aro gipin dolrang gita kam ka·angaha.
Ia bakrime kam ka·anian chu·onggijanirangko namatna, rikdapna nanganirangko dakna, aro namdapatanirangko ra·bana nangchongmotgipa dakchakaniko on·aha. Dondikgiha jotton ka·anichi Meghalaya-ni diltubatgipa biaprangonaba nambatgipa cholrangko sokatna man·a ine mesokangaha.
Ma·giparang aro bi·sarangko sanna-bananiko dakgipa mande chakpilgijagipa Ganesh Das MCH Hospital-o dingtangmancha kam ka·ani cholrang aro sagiparangko sanna-bananirangko dakanichi NQAS-kosan ong·aija indiba uamangni OT, Labor roo, SNCU & Paediatric Care Service-rangna Laqshya aro Musqan Quality Certification-koba man·angaha.
Uandake, songrango sanna-banani cholrangko on·enggipa Marngar PHC, Siju PHC, Nongalbibra PHC, Asananggre PHC Pomlum PHC, Babadam PHC, Wagesi PHC, Salmanpara PHC, aro Gabil PHC— namgipa dilgiparang, bakrime kam ka·anirang aro on·kange dangdike on·anichi songadamomangba namgipa sanna-bananirangko dakna man·a ine mesokangaha.
“NQAS-ko man·aniara porikka ra·anio chu·sokanisa ong·aija indiba sanna-banani cholrang, bewalrang aro biterangko dingtangani giminba ong·a. Ua chu·sokaniara Joint Directorate-ni dilanichi aro pilak gadangrang bakrimenggipa dolrangni dakchakanichi sanna-bananiko on·enggipa manderangni chakchikani aro gisik nangani mesoka,” ine senior official-rang parakataha.
Na·simang iakoba nina man·gen:
Na·simang iakoba poraina man·gen: Rahul Gandhi Zubeen sagiko so•chakram-ona re·anga, uni sianina kakket bichalko nanga ine paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
