Shillong, June 8: Meghalaya Football Association (MFA), skanggipa changna Meghalaya Women’s State League (MWSL)-ko ong·atanio dol 13 bakko ra·anggen ine parakataha, jekon 2025 bilsini August jao a·bachengatna sienga. Meghalaya a·dok sorkarini dakchakaniko man·e ong·atna sienggipa ia kal·susaaniara a·doko robol kal·na namnikgipa me·chikrangna nambegipa chol ong·enga. Ia league-ko ong·atanichi dingtang dingtang a·jarangoni nambatgipa robol kal·gipa dolrangko rimbana aro kal·pana gita dakchakaniko on·an baksana Indian Women’s League (IWL)-ni 2-gipa gadango kal·na gita cholkoba on·gen.
A·doko mingsingbegipa Men’s Football League-ko ong·ata gita ia apsan bewalon Meghalaya Women’s State League (MWSL)-koba ong·atanggen. A·jatangtango jemangan an·tangtang me·chikrangni robol kal·susaaniko ong·atahachim, uamangde a·jaoniko nambatgipa dolgniko seokenba ia gitalgipa state-level league-o susapana gita watatna man·gen. Chu·gimik dam 8 a·jarang, joltangtango ia kal·susaanirangko ong·ataha, indake uamangoni dol 13-ko MWSL-o susapaatna gitaba seokaha.
Ia League-ko ong·atna gita bon·kamgipa tarisamsoanirangni bidingo chanchirimaniko dakna, Meghalaya Football Association (MFA)-ni member-rang aro Club-ni official-rang, Shillong songjinmao tom·bimonganiko ong·atangaha. Ia kal·susaaniko ong·atani tarik, biap aro badia dolko badia dol baksa kal·susagrikatgen uko tik ka·kujegenchim ong·oba, a·dok gimikon ia kal·susaanina ka·srokani gnang tarisamsoanirangko dakengaha.
MWSL-o kal·susanagipa dolrangara :
Ri-Bhoi a·jani Na Rympei Football Academy aro Pahamsyiem SC,
Shillong songjinmaoni Laitkor SC aro Pay For Right Football Academy,
Mawkyrwat-oni Jakrem SC aro Mawten SC, Pyndengumiong-ni Young Sports Social and Cultural Club aro Bright Future SSCC,
East Jaintia Hills-oni Diengshynrum SC, Tyrsad-oni Mawlum Tyrsad SC aro Mawsawwrit SC,
Riwar Mihngi-oni Lapalang SSCC,
aro Laskein Block-oni Chirupheiwei Nongkynrih FC dol ong·a.
Na·simang ia video-koba nina man·gen:
Na·simang iakoba poraina man·gen: 2023 bilsio Imphal Airport-o golmal ong·atanina Arambai Tenngolni mande saksako CBI rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
