Shillong, Nov 02: Meghalaya Police department-o kamko ka·engmiting somoio ning·in-ning·in ong·gijagipa kamrangko ka·e niam gri gari-gorarangko bree jakkalanichi department-ko cha·bokani gimin Assistant Inspector-General (Administration) Pa Gabriel K Iangrai-ko Mongolbar salo police rim·aha.

Iani bidingo, Special Investigation Team (SIT)-chi sandirokaniko dakanganio, department-ni chubatgipa gadangoni maming bil on·anirangko man·gija mija April 2022 na skang gimik-gimang bol 29 dingtang dingtang gari-gorarangko police official MPS, Pa GK Iangrai-ni an·tangni nanganina ra·gope jakkalengako rim·a man·angaha.

An·tangna ra·gope niam gri jakkalenggipa ua garirangoni mitamara, bolsa gital Scorpio, bolsa gital Bolero, bolgni gital Swift Desire aro police official-ni maming lekkarangko on·a dongjani a·sel nomborrang tapa grigipa bolgni gital Bajaj Motor Cycle-rang ong·achim.