Tura, Nov 2: Budbar salo sal namjani a•sel Meghalaya a•dokni Chief Minister Conrad K Sangma-ko bildilangenggipa helicopter, Shillong songjinmani samba jolo donggipa Umiam-o bilongitikna gita nangaha ine official-rang u•iataha.
Chief Minister’s Office (CMO)-oni koborko on•ani gitade, West Garo Hills a•jao ong•atanggipa program-o bakko ra•ani ja•man a•dokni Chief Minister, Tura-oni Shillong-ona helicopter-o bilangengachim indiba sal namjani gimin uko bildilangenggipa helicopter, Umiam-o donggipa private college-ni kal•chakramo bilongitikna nangaha.
Chief Minister-ko bildilangenggipa helicopter-ara Aryan Aviation Private Limited Company-ni helicopter ong•achim aro ia seat ge 5 donggipa helicopter-o Chief Minister baksana pilot sakgni dongachim.
Umiam-o bilonani ja•man jolni manderang, Sangma-ko rimchaksoe, una cha•ani ringanirangko on•ataha aro ua ja•mano rama gita Shillong-ona re•angaha.
An•tangna simsak nirokanirangko on•ahani gimin ja•mano Sangma, Umiam jolni manderangko mittelpilatskaaha.
Emergency landing at UCC in Umiam due to bad weather on the way from Tura but enjoyed the view of the lovely campus during my walk & had a good time there thanks to their hospitality. What a day! pic.twitter.com/kdCwUNMefD
— Conrad Sangma (@SangmaConrad) November 2, 2022
