Shillong, June 6: IICA baksana Ministry Of Corporate Affairs aro Meghalaya sorkarini Planning Department-ni Commissioner aro Secretary, Dr. Joram Beda-ko man·chape a·dokni a·gipibatgipa official-rang baksa chugipa gadangni tom·bimonganiko ong·atanio, Ministry Of Corporate Affairs-ni ning·o kam ka·enggipa Indian Institute Of Corporate Affairs (IICA)-na, Delhi-ni a·palo uamangni skanggipa regional campus-ko rikna gita Meghalaya sorkari uamangna acre 5 a·arangko on·angaha ine parakataha.
Tom·bimonganiko ong·atanio, IICA-ni Director General aro CEO, Gyaneshwar Kumar Singh, New Shillong Township-oniko acre 5 a·arangko re·anggipa 2025 bilsini June 2 tariko, Meghalaya-ni Chief Secretary Donald Phillips Wahlang aro Ministry Of Corporate Affairs-ni Secretary, Deepti Gaur Mukerjee-ni dongpaanio pangkawate on·angaha ine a·dokni official-rangna u·iataha. Iani gisepon, India-ni Salgro Salaram jolona IICA-ko skanggipa changna ra·baaniara itihas-o gisik ra·na krabegipa ong·a ineba ua janapataha.
Chugipa gadangni tom·bimonganiko ong·atanio, Gyaneshwar Kumar Singh, Shillong-ni campus-ko “First baby outside Delhi” ba Delhi-ni a·palo donggipa IICA-ni skanggipa bi·sa inenba, ian namroro silroroani aro u·i-ma·sianiko giproroatna miksonganiko mesoka ineba janapataha. Ia campus-ni gita bading chiwalanio tangdoani, an·tangari choligipa ong·ani aro 2047 bilsio tang·dogimin India a·songna (Vikshit Bharat @2047) niksamsoaniko ra·dona dakchakaniko on·gen ine ua aganangkuaha. Uasan ong·aigija, Prime Minister Narendra Modi, India-ni Salgro Salaram jolko “Asthalakhsmi Of India” gita, changa sapanian gapgipa aro bil gnanggipa dake nika ineba ua parakataha. Uasan ong·aigija, ia campus “Transformation by Transportation” ingipa chanchibewalanina chakpaaniko on·ani ong·a, jeon namdapatgimin rika cho·anirang aro lekka pora skie on·anichi tom·tomani aro namroro silroroaniko ra·bana dakchakgen ineba agandapangkuaha.
A·a pakwatani tom·bimonganiko, Meghalaya-ni Chief Secretary Donald Phillips Wahlang aro Ministry Of Corporate Affairs-ni Secretary Deepti Gaur Mukerjee dilangaha. IICA-ni Director General aro CEO Gyaneshwar Kumar Singh, Ministry Of Corporate Affairs-ni Joint Secretary Inderdeep Singh Dhariwal, Planning Department-ni Commissioner aro Secretary C.V.D. Diengdoh aro IICA-ni Col. Amandeep Singh Puri-ba ia tom·anio dongpae bak ra·angaha.
Prime Minister’s Development Initiatives for they Northeast (PM-DevINE) scheme-ni ning·o ia project-na tangka gong kror 100.95 dakchakaniko on·enga. Ia campus-o training baksana Corporate Governance, ESG, CSR, Insolvency aro Bankruptcy, Competition Law aro Board Leadership-ni bidingo ku·pattianirangko on·anggen.
Ministry Of Corporate Affairs-ni Secretary Deepti Gaur Mukerjee, Meghalaya a·dok sorkarini dakchakaniko on·anina de·mittele aganengon, Shillong Campus-o jatni dakbewalo nok rikani baksana jolo songdonggipa jaktangchi sol·na repna aro ma·manti bosturangko tarina sapgiparangko jakkale ia jolo songdonggipa manderangni dakbewal rikbewalrangko mesokgen ineba ua janapataha.
Shillong Campus-o academic program-rangko ia 2025-26 bilsini gisepon a·bachenatna ka·dongsoengon, rika cho·ani kamrangkoba ta·raken a·bachengatna siengaha. IICA-ni gita Salgro Salaram jolo donggipa sak 300 kam sapbegiparangnaba kamrangko skie on·manaha.
Re·baenggipa bilsirango, IICA , jolo namroro silroroaniko ra·bana nanggipa program-rang baksa apsan meligipa dingtangmancha tarigimin program-rangko a·bachengatna gita Knowledge City-o donggipa jolni University-rang baksa bakrime kamrangko ka·na miksongenga.
Na·simang ia video-koba nina man·gen:
Na·simang iakoba poraina man·gen: Northeast-ni sakgni badminton kal·giparang Thai Championshipna seokako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
