29.8 C
Tura
spot_img

Meghalaya State Transport Department Meghalaya Electric Vehicle Policy, 2020 ko mijalo Sorkarina pakwatea

Must read

Shillong, Oct 20: Meghalaya State Transport Department mijalo Meghalaya Electric Vehicle Policy, 2020 na sea jotanirangko  Sorkarina mesokaha. Policy changgipa sapgipa rangna namdapataniko on·na ka·dongsoengon, uko ru·utgijan Cabinet tom·aniona ra·bae ra·chakgen ine Skotong Minister Pa. Conrad K. Sangma twitter-o segatataha.

A·dokni samtangtangko rongtalate tangsekgilgil ong·atna miksonganio bijoli chi salgipa gari rangko jakkalaniona ra·banian ia policyni nishan ong·a. 2025 bilsiode 15% mangni gita pilak Sorkarini gari rangan bijolichi salgipa gariko ra·gatna nanggen uandake Meghalaya Transport Corporationba ka·sne ka·sne pilak gari rangkon bijolichi salgipaona ra·gatgen maina uko jakkalanichi balwa aro samtangtang rongtalrorogen aro a·dokni niram biaprang namroroangskagen ineba uno janapaha.

Jemangan ba je dolrangan uko jako ra·e kam ka·na miksonganirang dongachim, gari nosto ong·anirangko tarina, battery rangona bijoliko chipatna , jakkalgimin battery rangko taripiltaie kamona ra·bana aro uko chalaianio pilak nangchapgipa kamrangko ka·gnigipa dol rangna tangka paisa chi dakchakgnikoba ua Policyo janapaha.

spot_img

More articles

spot_img
-->

Latest article