Tura, July 2: Bristibar salo, Separate Electoral Roll-ni Committee, Garo Hills Autonomous District Council (GHADC) election-na dingtang vote pu·ona man·giparangni list-ko on·china ru·uta somoirangna dabaenggipana mongsonggipa ja·ku de·ani bak gita Garo Hills Autonomous District Council (GHADC)-ni Cheif Executive Member (CEM) Dhormonath Ch. Sangma-na uamangni report-ko on·eaha.
GHADC-ni u·iatani gitade, name nipilaniko dakna gita ia report-rangko Executive Committee (EC)-ona ra·anggen. Iana ra·chakaniko man·aha ong·ode, July ja bon·achipak ong·atna tik ka·gipa Council-ni session-o uamang chanchirimaniko dakangna ka·dongsoenga. CEM Dhormonath Ch Sangma, kobor ra·timgiparang baksa agangrikengon, ia report-ko rimchaksoan baksana House-o ia janapatanirangko ra·chakgen ine uni ka·donganiko parakataha aro ia neng·nikaniko ua ru·uta somoirangna jatni dabibaenggipa ine janapatenba, jatni manderangni iana ku·cholsan aro an·tangtangko on·kange kamko ka·ahanina de·mitelataha.
Ia separate electoral roll-na bang·a dingtang dingtang jingjengatgipa aro songsalni namgnina kamko ka·enggipa dolrang ru·uta bilsirangna dabianiko dakangaha. Uamangni u·iatani gitade, ia dingtang electoral roll-ara jolo songdonggipa tribal jatrangni bil-rangko naljoke rakkian baksana District Council-ko mangrakbatatna aro GHADC election-o namgipa dilgipako seokna gita kragipa vote on·a man·giparangkosan bak ra·atna gita dakchakgen.
Ia dabianina chakpaaniko on·giparangni bebe ra·ani gitade, ia dingtangataniko ra·baaniara, tribal manderangni ong·baani aro an·tang jaktangchi sason ka·aniko naljoke rakkienba, Sixth Schedule-ni miksonganirangko chu·sokatna dakchakgen.
Ia committee-rangni ku·pattianirangko July jao ong·atna sienggipa GHADC session-o chanchirimaniko dakanggen.
Na·simang iakoba nina man·gen:
Na·simang iakoba poraina man·gen: KSU, Umling-ni Felicitation Centre-o food court rikaniko jegalataiaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
