Nongpoh, July 2: North Khasi Hills a·jani Khasi Students’ Union (KSU), National Highway-06 gita a·paloni napbagipa aro ong·katanggipa manderangko nichokkina gitasa ia centre-ko rikaha ine aganenba, Umling-ni Felicitation Centre-o food court rikaniko jegalataiaha.
Deputy Commissioner Abhishek Saini aro Superintendent of Police Giri Prasad baksa tom·aniko ong·atanio iani bidingo chanchirimaniko dakangaha jeon KSU-ni District President Ferdynald Kharkamni, General Secretary James Hitler Mawphniang aro gipin union dilgiparangba dongpae bak ra·angpaaha.
District Administration, ia food court-ko rikaniara jolni chadamberangna kamrangko nakatatgen ine a·kangatenga ine Kharkamni kobor ra·timgiparangna u·iatengon, KSU, 2020 bilsio ia centre-ko a·bachengato manchigimin gitan checkpoint dake jakkalchina didiataha.
Iani gisepon, ia checkpoint centre-ko chu·gimik chalaianiko dakgenchim ong·ode ian bang·a manderangna janggi tangani cholrang baksana Meghalaya a·dokona napbagipa aro ong·katanggipa manderangko nichokkianiko dake authority-rangna naljokataniko namdapatanio dakchakaniko on·gen ine aganenba, union-ni gita ia centre-na ge 32 Data Entry Operator-rangko kamo rakkichina u·iataha.
Na·simang iakoba nina man·gen:
Na·simang iakoba poraina man·gen: Pine Mount School-ni gital Boarding Building-ko CM nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
