Tura, Jul 2: Meghalaya a•dok gimikon Electoral roll-rangko nipilna Special Intensive Revision (SIR)-ni bak gita June 30 tarikoni Booth Level Officer (BLO)-rang, nokprakprakona re•e, enumeration form-rangko sualna a•bachengatani ja•man Bristibar salo, West Garo Hills a•jani District Election Office, SIR-ni bidingo talate on•na gita dingtang dingtang political party-rang baksa tom•aniko, Tura-ni DRDA Conference Hall-o ong•atangaha.
Ia tom•aniko, West Garo Hills a•jani Deputy Commissioner aro District Election Officer (DEO) Vibhor Aggarwal dilangaha aro tom•anio, Electoral Roll Observer Rikse R Marak, ERO-rang aro AERO-rangba dongpae bak ra•angaha.
Ia tom•aniko ong•atani bidingo political party-rangna talate on•angengon, SIR-ni kamrangna political party-rangni Booth Level Agent (BLA)-rangkoba ra•ahani gimin SIR-ko ka•anio dakna nanggni aro nanggijanirangko talate on•na ia tom•aniko ong•ataha ine Deputy Commissioner aganaha.
Electoral roll-rangko SIR ka•anio, bakrimaniko on•china gitaba ua political party-rangko aro a•jao songdongenggipa pilak manderangkon didiangaha.
Ia tom•anio, Electoral Roll Observer Rikse R Marak-ba aganprakengon, SIR-ko dakanio, ERO aro AERO-rangna tikatgimin kamrangko name chu•sokatna nangengani gimin aganangskaaha.
Na·simang iakoba nina man·gen:
Na·simang iakoba poraina man·gen: Separate Electoral Roll-ni Committee, GHADC-ni CEM-na report-ko on·ea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
