Shillong, Jan 14: Me·mang narangko ge·a-gamaniko jo·ong cha·anirang, bolam-biteko bagan dakanirang aro biterangni nangani komianirangni bidingo neng·nikanirang batroroengon, ICAR-Central Research Institute (ICAR-CCRI) Sohkwai songni game cha·giparangna skie on·anirangko dake Meghalaya-o meseng bang·batgiparangoni mongsonggipa biap damsaona scientific bewalo kam ka·ani cholrangko ra·baha.
Ia programme-ona songni sak 53 game cha·giparang re·bae bak ra·eaha aro iano uamangni songni mongsongbatgipa bolam-biterangoni rokomsako ge·a-gamani neng·nikanirang jekai bite nangani komiani, jo·ong cha·e nisie galani, aro bagan-barirangni gitchamangroroanirangko namdapatna cholrangko on·na inenba skie on·anirangko dakangaha.
ICAR-CCRI-ni Director Dr Dilip Ghosh-ni nirokatanichi, ia trainingko ong·atanio Regional Research Centre for Citrus, Biswanath Chariali-ni Senior Scientist, Dr Evening Stone Marboh dakdilangaha.
Uandake, skie on·giparangoni saksa, Senior Scientist Dr A Thirugnanavel, Meghalaya-ni jatrangni janggi tangani gadango aro dakbewalrango Me·mang Narangni gamchataniko talatangaha aro uarangko bagan dakanirango scientific bewalrangko jakkalna nangani gimin agane on·angaha. A·doko donggipa gamchatgipa mesengni rokomrangko ripingna aro jakkalna nangani gimin ua namedake talate on·angaha baksana, a·bri-a·kongrango, a·dokni a·arango aro karirango ge·na meligipa rokomrangni gimin agane on·angaha.
Ia programme-ni mongsonggipa bak-ara namgipa rokomni chararang ba bitchilrangko jakkale ge·anirangko mesoka on·aha. ICAR-CCRI-ni Scientist Dr Darshan Kadam, gital chasongo narangko ge·ani bewalrang jekai budding aro graftin baksa scientific bewalo nursery-rangko tarianirangko mesokangaha. Bipangko namedake dal·roroatna aro ru·uta bilsirangna bite name nangatna gita sabisi grigipa bipangrangko baseani gamchatani gimin ua talate on·angaha.
Rongtal-an·talaniko namedake rakkiani, somoi gita gipin ge·chapanirangko dakani aro biterangko nambate nangatna aro bilakbatatna organic ong·gipa a·salrang ba samrangko jakkale me·mang narangni baganrangko namedake donani bewalrangko Dr Marboh skie on·angskaaha. Me·mang narangko nisie galgipa mongsonggipa jo·ongrang aro sabisirangni giminba game cha·giparangna skie on·anga baksana uarangko namatani cholrangko agane on·angaha.
Ia programme-ko a·bachengatani somoio tom·anio songni dilgiparang jekai Bristar Sylliang, Rangbah Shnong, aro Jessroy Namsay, Assistant Rangbah Shnong bak ra·angaha aro uamang ia trainingko on·anina namen kusi ong·bee, bite nanganirangko nambatatna aro janggi tangni cholrangko tang·doatna skie on·gimin ranta ka·anirangko ja·rikchina didiangaha.
Skie on·anirangko dakani bon·kamgipa bako game cha·giparangko an·tangtangni chagrongenggipa neng·nikanirangko janapna aro una cholrangko sing·e ra·na somoiko on·aha. Baganrangko kam ka·anirangko nambatatna dakchakna gita, ICAR-CCRI dingtang dingtang organic samrang jekai Trichoderma, biofertilizer-rang aro blue copper-ko bak ra·giparangna sualataha.
Bon·kame, mitelpilanirangko kattarangko agane ia programme-ko matchotataha, aro programme-ko ong·atgiparang aro game cha·giparang dolgnian, Ri Bhoi aro gipin biaprangko Me·mang Narang baganrango scientific bewalrangko ra·gatanichi bite nanganirangko nambatroroatgen aro pangkamgipa ong·atgen ine an·tangtangni ka·donganiko parakataha.
Na·simang iakoba nina man·gen:
Na·simang iakoba poraina man·gen: Matgrik Dilseng M Sangma-na mombati so·e bi·aniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
