Aizawl, Jan 28: Mizoram-o mande so•ote a•doko namen so•sojengjeng ong•atgipa obostao bilsi 62 ong•gipa RL Peka mongsonggipa matnangako man•gipa ong•aha. Indake ong•genchimoba, re•anggipa jao Peka an•tangni nokoni chokone siaha.
Adita salrangna skang police-rang ia obostani bidingo am•sandianiko matchotaha, aro Peka-an mongsonggipa matnangako man•gipa ong•a ine u•ina man•aha.
Re•anggipa ja-o Mizoram University campus-o bilsi 26 ong•gipa me•chik saksani sogimin manggisiko man•aha ine police-rang parakataha. Ia obostani bidingo forensic-rang, call record-rang aro CCTV footage-rangko jakkale namedake sakkirangko sandirikkitangaha ine police-rang parakataha.
December 3, 2025-o Tanhril Vengpui-oni John Sanghnuna minggipa mande an•tangni su•gipa Marina Lalchhanchhuani (26) salgnina skang dokkan re•anga joljol gimaaha ine koborko on•aha aro unonin ia am•sandianirang a•bachengaha ine police-rang Mongolbar salo parakataha.
Gimaenggipa mandeni bidingo badi ka•ani ja•mano songni-nokni manderang uko sandianirangko dakna a•bachengaha.
December 13 tariko, Young Mizo Association-ni (YMA) Tanhril unit, Mizoram University-ni robol kal•chakramni sepango me•chik saksani manggisi donga ine police-na aganataha. Ia sogimin manggisiko ja•mano Marina-ni ma•gipa an•tangni demechikan ong•aha ine aganaha.
Post-mortem-ko ka•e nion uko so•ote siataha ine u•ina man•aha.
December 16 tariko, Tanhril-o dikdiksana songdonggipa RL Peka minggipa mande an•tangni nokoni chokone siaha ine police-rang kobor man•aha.
Police-rang CCTV footage-ko nie sandirikkitaniko a•bachengaha aro Marina-ni gimana a•bachengani sal, December 1 tariko, Peka-ni gari Mizoram University campus-ona napaha aro konta gnimangna uno dongaha ine nikna man•aha.
Forensic analysis-ko dake nion uni gario man•gipa an•chi Marina-ni ong•a aro ua biapo man•gipa greng bisemsemrang aro wagamba unin ong•a ine u•ina man•aha.
Uandake January 17 tariko, Vaivakawn Police Station-o Bharatiya Nyaya Sanhita-ni Section 103(1)-ni ning•o badi ka•enba RL Peka-ko mongsonggipa matnangako man•gipa ine bimung mingaha.
Indake ong•genchimoba, mongsonggipa matnangako man•gipa mandean siaha ine u•ina man•ani ja•mano police-rangni pilak am•sandianirang indin ong•gramaiaha.
Na·simang iakoba nina man·gen:
Na·simang iakoba poraina man·gen: Boko, Kathalpara-o Bathou Puja-ni bilsi 25 gapaniko dal·bee manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
