Shillong, July 16: Bristibar salo, Meghalaya a·dokni Skotong Minister Conrad K. Sangma, namgniko man·a kragipa manderangna sorkarini welfare scheme-rangni namgniko on·a man·a gita a·dok sorkari Aadhar enrolment aro e-KYC-ko bariatgen ine aganangaha. Community & Rural Development, Health, Social Welfare, aro Food & Civil Supplies Department baksa kamrangko nipilaniko dakanga ja·man, a·dok sorkari Aadhar link ka·ani aro namgnirangko man·a kragipa chong·mot manderangko nianiko dakenga ine ua u·iatangaha.
Ia nipilaniko dakanio, Meghalaya Health Insurance Scheme–Pradhan Mantri Jan Arogya Yojana (MHIS-PMJAY) scheme-ni ning·o 77.02% mangni gita nokdangrang Aadhar baksa nangdimatako man·aha ine mesokengon, 57.13% mangni gita namgniko man·a kragipa manderangba link ba nangdimataniko dakmanaha ine nikna man·aha. National Food Security Act (NFSA)-ni ning·o 61.01% mangni gita e-KYC ka·anirangba matchotokaha.
Iani gisepon, a·dok sorkari bang·a Aadhar enrolment camp-rangko ong·atangan baksana nina nangkuenggipa kamrangko ta·rakbatatna gita Common Service Centres (CSCs)-ko jakkalnaba donga. Aadhar aro e-KYC-ara ma·mong sorkarini on·enggipa namgnirangko man·enggipa manderangna, mikkangchiba maming neng·nikani gri-an ia namgnirangko ra·chakangkuna man·a gita nangchongmotgipa ong·a ine Sangma, u·iate on·angaha.
Na·simang iakoba nina man·gen:
Na·simang iakoba poraina man·gen: JNC, Sabah Muswang-o mobile tower-ko songe on·anio ru·utatanina Jowai-ni Airtel Office-ko chipata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
