Tura, Jan 21: A·chik State People’s Front (ASPF) aro Garobadha Regional Unit, Meghalaya sorkarini Food Safety-ni Commissioner-ko a·dokona gipin biaponiko ra·baenggipa cha·ani bosturangko name nirok sandianiko dakchina didiataha. Mongolbar salo, ASPF-ni on·anggipa lekkao Meghalaya a·dokona me·su samjakrang jekai rasin aro alu-rangko name nirok sandiagri ra·baenganina jajrenganiko parakataha. Indake ong·engon, name nirok sandianiko dakgija cha·ani ringanirangko ra·bana on·aniara nosto ong·gimin baksana bisi gnang ba sam on·gipa cha·ani ringaniko palna on·a gita dakgen aro ian jinmani an·seng naljokanina kenbegnigipa ong·a ine ia dolrang mikrakataniko on·ataha.
ASPF dolrang, authority-rangko a·dokona ra·baenggipa biaprango, wholesale dokkanrango aro cha·ani ringanirangko chimongchakenggipa biaprango cha·ani ringanirangko nambate nirok sandianiko dakchina u·iatengon, uamang cha·ani ringanirangko porikka ka·e nina nangchongmotani, nambate see rakkiani aro cha·ani ringanirangko name rongtale rakkiani niamrangko ja·rikatchinaba didiataha. Meghalaya a·doko manderangni be·en bimangni an·seng baljokaniko naljoke rakkian baksana manderangni ka·donganiko rakkiangkuna gita mikkang nitea gri ta·rake ja·ku de·aniko dakna nangchongmota ine ia dolrang u·iatangkuaha.
Na·simang iakoba nina man·gen:
Na·simang iakoba poraina man·gen: Drug addict ong·gipani sianio uamang jak dongja : HYC
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
