Shillong, Nov 28: Meghalaya-Assam simani kenchakna nangbatenggipa biaprango Border Outpost (BoP)-ko songgen ine Meghalaya a•dokni Chief Minister Conrad K Sangma parakataha.
Re•anggipa November 22 tariko West Jaintia Hills a•jani Mukroh songo, Assam police aro forest guard-rangni goanichi Meghalaya a•dokni mande sakbongako man•chape gimik sakdok manderang so•otako man•ani ja•man a•dokni damgnini sima jolo Border Outpost-ko songna tik ka•angaha.
Informed the political leaders that the Cabinet will sit tomorrow to finalise the list of the various Border Outposts (BOPs) that will be set up in sensitive areas & to ensure they are supported by the required manpower & infrastructure to function pic.twitter.com/XY8duRuPrr
— Conrad Sangma (@SangmaConrad) November 28, 2022
Sombar salo, pilak political dolrangni tom•aniko ong•atangani ja•man, kobor ra•timgipa manderang baksa agangrikengon, badia badia biaprango BoP-rangko songgen, uko Mongolbar salo cabinet tik ka•anggen aro kenchakna nangbatgipa biaprango BoP-rangko songna tik ka•ani bidingo dingtang dingtang political dolni dilgiparangna talate on•angaha ine Chief Minister parakataha.
Sima jolrango songdongenggipa manderangna naljokaniko on•na gita a•dok sorkari, pilak nanga ja•kurangko de•anggen ineba Chief Minister parakataha.
Mukroh jolo donggipa Assam-ni Forest Beat House-ko ra•galchina dabienggipani gimin janapatengon, iani bidingo ua Assam sorkari baksa agangrikgen ine Sangma, ku•rachakaniko on•angaha.
Mukroh songo dolsa police-rangko donataha aro ia songo police-rangko donangkuna gita sorkari ja•kuko de•gen ineba Chief Minister parakataha.
Mukroh songara Meghalaya a•dok ning•o ga•akgipa biapan ong•a ine talataniko on•angengon, wa•reng salani aro 2011 bilsini report-ni gitaba Mukroh songara Meghalaya a•dok ning•o ga•akgipa songan ong•a ine Chief Minister parakataha.
