Tura, March 2: Meghalaya-ni Aneesh M. Sangma Indian National Rally Championship (INR) 2025-o skanggipa changna bak ra·e Gypsy Class overall-o 1st Runner-Up-ni biapko man·angaha.
Skanggipa changna a·song gimikni susaanio bak ra·e, Aneesh Sangma an·tang baksasan ong·aija indiba ru·uta bilsirangna bak ra·enggiparang baksa susaangaha aro ia bilsio nambatgiparangoni saksa ineba bimung man·angaha.
Susaani bon·kamgipa bak – Nashik-o ong·atgipa Rally of Maharastra-o ua namen matchotangaha – aro a·songoni nambatgipa Gypsy-class driver-rangoni saksa ong·angaha.
Aneesh ta·rakbee, name aro sinjetanirangko man·oba gisik ka·sine susaangaha.
Uandake ua Rally of Coimbatore-o (2-gipa Round) Gypsy Class-o ato Coorg-o ong·atanggipa Robusta Rally-o skanggipa biapko man·angaha
Ua susaani gimiko nambatgipa biaprangko man·angenba national championship-o 1st Runner-Up-na chu·onge point-rangko man·angaha.
Nashik-o bon·kame susaanio uni bak ra·anian uni chu·gimikoni chegipa ong·anio dakchakaha.
Aneesh-ni chu·sokani mongsonggipa a·selrangoni mingsara uni nambegipa co-driver, Coimbatore-oni Dinky Varghese baksa uni bakrimanian ong·a. Uamang sakgni a·songni ga·nanggijagipa biaprango ranta ka·anirangko dakenba, ia bilsini Gypsy category-o nambatgiparangoni dolsa ong·angaha.
Rakgipa, technical stage-rango, adha second-ba gamchatgipa somoio uamangni bakrime kam ka·ani aro changa-sapanirangan uamangni cheani gadangko ong·ata.
Aneesh-ni chu·sokani Meghalaya-o aro mongsongbate Garo Hills-o namen katchaanirangko ra·baaha, jeon ua bilsi kolgrikrang skang Tura-o rally-rangko Tura-o gisik nange nie dal·baaha.
Gam·gipa engine-rangko nina namnikgipa me·a bi·sa ong·aoni da·o iandakgipa chu·sokaniko man·aniara, Salgro Salaram-oni gisik nangbaenggipa pilak manderangna didiani ong·a.
“Ia cheaniara Garo Hills-na, Meghalaya-na aro Salgro Salaram gimiknan ong·a. Gisik nangani aro miksonganiko dondimon dal·a chu·sokanirangko man·na ama ine ian mesokani ong·a,” ine Aneesh M. Sangma aganangaha.
Na·simang iakoba nina man·gen:
Na·simang iakoba poraina man·gen: Salgnina ong•atenggipa Youth Parliament 2026-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
