Shillong, Jul 6: Meghalaya a•dokko, mongsongbate skotong Shillong songjinmako biap ka•sinani gimin mingsing minggamgenchimoba da•o rang•san mikkarang komina a•bachengahani gimin manderang, chaktopilgijagipa ding•aniko chakna nangskaengaha.
Skang somoirangode, Shillong songjinmao air conditioner aro ceiling fan-rangko jakkalna gita nangtokjachim indiba da•ororode air conditioner aro ceiling fan-rangko watgijade, manderang tuna cha•nan man•tokpiljaengaha.
Meghalaya a•doko manderangsan ding•ako chakna nangenga ong•ja indiba mandeni jilenggipa matburing aro do•o matrangba, chaktopilgija ding•aniko chakna nangengani a•sel neng•nikanirangko chagrongna nangenga.
Meghalaya a•doko, mongsongbate Khasi aro Jaintia Hills a•jarango, iandake nikronggijagipa obostako da•ororo manderang nikna man•engon, manderangko mikrake dongchina, mongsongbate sabisi sakanchirangna simsake dongchina gita Indian Meterological Department (IMD)-oniba ku•pattianiko on•ataha.
IMD Meghalaya-ni Director Thangjalal Lhouvum-ni u•iatani gitade, da•ororo rang•san ding•gipa balwarangko man•engani a•sel manderang, chaktopilgijagipa ding•aniko chakna nangenga. Da•o dipet Meghalaya a•doko IMD-ni u•iatgipa heatwave ba ding•aniko chakna nangkujaengoba, batanggimin bilsirango ka•sinsin ding•anirang tang•dona a•bachengaha ineba Lhouvum aganaha.
Meghalaya a•doko rang•san ding•anirang tang•doengani gimin janapatengon, re•anggipa July-ni 4 tarikosan South West Garo Hills a•jao 36.8 degree Celsius ong•e tang•doaniko nikna man•aha aro ian a•doko ong•ronggijagipa ding•aniko mesokani ong•a ine IMD Meghalaya-ni Director parakataha.
Re•baenggipa salrango mikkarang waanichi dikdiksa somoirangna ding•anio komianganiko niknaba gnang indiba mikkarang wajahaon, ding•anirang sokbapilani cholrang dongaia ineba ua mikrakataniko on•angaha.
Manderangko pangnan chi ringchina, salpaksa ja•man skatang sal ding•ao ong•katjachina, nokoni ong•katengon chatta aro be•enna namgipa chola ba•rarangko ganchina aro sal ding•gekmiting somoirango bilni kamrangko ka•jachina gitaba IMD official ku•pattianiko on•ataha.
Na·simang iakoba nina man·gen:
Na·simang iakoba poraina man·gen: NGH-o anti-gimikna ong·atgipa Cooperative Week name matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
