Shillong, Apr 2: India Meteorological Department-ni (IMD) adita salrangna skang parakatani gitade, Meghalaya-o ia bilsini ding·kario sal somoirang ding·batnaba gnang aro mikka waanirang kominaba gnang ine niksamsoenga.
April-June 2026-o (AMJ) ding·karini salrango, a·dokni bang·bata biaprangon batbegipa temperature-rang bilsianti ding·ronga gita ong·gen ba una bateba ding·gen, aro komibatgipa temperature-rangba pangnana bate ding·batgen, uandake ding·begipa salrang aro walrangko chagrongnaba gnang ine niksamsoenga.
April ja-o, Meghalaya-ni bang·bata biaprangon pangnana bate ding·batgipa salrang sokbanaba gnang ine IMD parakataha.
Indake ong·genchimoba, April-June jarang gimikon heatwave ba namen ding·chibilani salrangko niksojaenga ine IMD talatangaha.
IMD-ni parakatanio a·dokni chi-rang aro ge·a-gamanirangna neng·nikanirang sokbanaba gnang ine janapangaha. India-ni Salgro Salaram-o bang·a biaprango, aro Meghalaya-oba pangna mikka warongana bate komibatgen, uandake wachikarina skang a·arang namen ran·naba gnang ine niksamsoenga.
Ru·uta bilsirangni data-ko niatgenchimode, bilsini bilsina a·doko ding·batroroaniko nikna man·enga. IMD-ni nie niani gitade, Meghalaya-ni bilsiantiani mean temperature, 1901 aro 2025 bilsirangni gisepo, bilsi ritchaprako +0.73°C-ona tang·doaha, aro batbegipa temperature-rang (+0.85°C/100 years) komibatgipa temperature-rangna (+0.62°C/100 years) bate ta·rakbate tang·dorikrikenga ine nikna man·aha.
Adita bilsirangna skangni data-ko niatgenchimoba, ding·batgipa sal-somoirangko chagronganiko nikna man·enga, uandake 2025 bilsian ding·batgipa ong·aha, aro 2023, 2024, 2021 aro 2022 bilsirang uni ja·mangipa gadangrango ong·aha.
Chaktopilgija ding·anirangko chakna nangjanaba gnang ine ia am·sandianirango janapgenchimoba, bilsianti ding·batroroanichi aro mikka waanirang komibatroroanichi re·baenggipa jarango Meghalaya-ni sal-somoirango dingtanganirangko ra·bae, ge·a-gamanio, chi man·anio aro salantini janggi tanganio neng·nikanirangko sokbaatnaba gnang.
Na·simang iakoba nina man·gen:
Na·simang iakoba poraina man·gen: MP Owaisi, AIUDF-ni Badruddin Ajmal-na campaign ka•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
