26.2 C
Tura

M’laya-o Jal Jeevan Mission-ko 2023 bilsini gisepo matchotatna miksongenga

Must read

Tura, Dec 2: West Garo Hills a•jani District Water & Sanitation Mission (DWSM)-o kam ka•giparangna Jal Jeevan Mission-ni Training aro Orientation program-ko Tura Dakopgre-o donggipa Extension Training Centre-ni Conference Room-o ong•atangaha.

Ia training program-ko ong•atanio DWSM-ni Member Secretary aro PHE Tura Circle-ni Superintending Engineer SK Gajmer, DWSM-o kam ka•giparangna aganprakatengon, India a•songni songadam nokadamrango donggipa pilak nokdangrangnan 2024 bilsini gisepon chu•onga gita ringani chirangko sale on•na miksonganio ia Jal Jeevan Mission-ko Jal Shakti Ministry-ni ning•o a•bachengaha ine parakataha.

Ia kamrangko a•jarango, block-rango aro songrango kam ka•enggipa manderangni bakrimanichi chu•sokatna man•gen ineba ua parakangaha.

Ia training program-ko ong•atanio ISA Coordinator Amika K Warr-ba jinmana aganprakengon, 2024 bilsini gisepon songadam nokadamrango donggipa nokdangrangna chu•onga ringani chirangko sale on•na ia Jal Jeevan Mission-ko a•bachengatani bidingo a•songni Prime Minister Narendra Modi, India a•songni chang 73-gipa Jakgitelani salko manianio parakataha ine u•iataha.

“Chiara mandena namen gamchatgipa ong•a aro manderang jelbra jelsurorobaenganichi mandena chiko nanganiba salantian batrorobaengani gimin ia Jal Jeevan Mission-ko ma•mong sorkari a•bachengaha,” ine Warr, ia program-o power point presentation-ko dake jinmana parakataha.

Meghalaya a•dokni songadam nokadamrango donggipa pilak nokdangrangnan 2023 bilsini gisepon chi pipe-rangko sokate on•na miksongengani gimin ia 2020-21 bilsini gisepon dam 6416 songrango donggipa dam 5,90,534 nokdangrangna chi pipe-rangko sale on•na nisanko donsomanaha indiba ia kamo bak ra•enggipa pilak dolrangni bakrimaniko on•anichisa ia nisanko chu•sokgipa ong•atna man•gen ineba Warr parakataha.

Business session-ko ong•atanio ISA Coordinator Annette aro Malvern, Tura North Division-ni SDO (T/C) Kalkame R Marak Tura Circle-ni Superintending Engineer SK Gajmer aro gipinrang, DWSM-o kam ka•giparangna agan-skie on•angskaaha.

More articles

LEAVE A REPLY

Please enter your comment!
Please enter your name here

Latest article