Shillong, Feb 6: Meghalaya-ni East Jaintia Hills a·jao koila a·kolo goprete a·sel ong·anichi sak-18 manderangni siani bidingo koila a·kolrangni sakgni nokgiparangko rim·aha.
“Chinga ia a·sel ong·ani bidingo sakgni manderangko rim·aha,” ine Superintendent of Police Vikash Kumar, Sukrobar salo aganangaha.
Uandake ia a·sel ong·anio jak donggipa pilakkon rim·na police-rang krenge kamrangko ka·enga ine ua aganangaha.
Ia obosta February 5 tarik, Bristibar salo, Umpleng Police Outpost-ni ning·ao donggipa Thangsko jolni Mynsyngat minggipa biapo ong·aha.
Gopretgipa biaponiko sak 18 manderangni manggisirangko man·aha.
Saksa mata-buako man·gipa mandeko sanna-bananiko dakna Shillong-ona hospital-ona rimangaha.
National Disaster Response Force (NDRF), State Disaster Response Force (SDRF) aro Special Rescue Team-ni (SRT) manderang a·sel ong·gipa biapona re·ange nirokenga aro manderangko jokatna krenge kamrangko ka·angkuenga.
Uandake, suo-motu FIR-ko segataha, aro am·sandianirangko dakenga.
Na·simang iakoba nina man·gen:
Na·simang iakoba poraina man·gen: GHADC-o non-tribal voter-rangni bidingo apalbate chanchirime tik ka·aniko nangenga ine CM agananga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
