Shillong, May 26: Meghalaya-ni nurse-rangna skia-porako on∙e bilakatkuna aro kamrangko nambate ka∙na dakchakna ine Meghalaya Nursing Council (MNC), Meghalaya Health Systems Strengthening Project (MHSSP) baksa bakrimenba Mongolbar salo “Continued Nursing Education (CNE) through Clinical Vignettes for Nursing Staff of the State” programme-ko a∙bachengataha.
A∙dokni dingtang dingtang government aro private hospital-rang aro nurse-rangni skie ra∙chakramrangoni principal-rang, vice principal-rang aro nursing superintendent-rangni bak ra∙gipa MNC-ni tom∙anio ia cholko a∙bachengate on∙aha.
Ia tom∙bimongani mongsonggipa bak-ara online Healthcare Learning System-ko (HLS) a∙bachengatanian ong∙a, jean Meghalaya-o sanna-bananio ong∙gipa obostarango pangchake uarangni kri technology-ko jakkale nanggipa cholrangko on∙na nurse-rangna dakchakaniko on∙gen.
Clinical vignette-rangko tarisamsoanio Meghalaya-o ong∙chongmotgipa obostarangko janape sechimongna a∙dokni chubatgipa gadango kam ka∙enggipa nurse-rang dakchake on∙enga.
Tom∙aniko a∙bachengani somoio, Meghalaya Nursing Council-ni Assistant Director of Nursing-cum-Registrar Grace Perry Sunn, bak ra∙giparangko rimchaksoani kattarangko aganangaha.
MHSSP-ni consultanf Dr Anindita Bhowmik orientation session-ko ra∙angaha, aro MHSSP-ni General Manager Byron Phira, Healthcare Learning System-ni gimin talate on∙angaha.
MHSSP-ni Adorinia Nongum aro Ador Thangkiew a∙bachenggipa bako tom∙anio agantimaha, aro School of Nursing, Civil Hospital, Shillong-ni Principal tom∙bimongani gimiko dilangskaaha. Bon∙kamgipa kattarangko Meghalaya Nursing Council-ni Deputy Director of Nursing, Ivory Kharduit aganangskaaha.
Ia cholko a∙bachengatanichi Meghalaya-o donggipa nurse-rangna uamangni kam ka∙anirango nambatrorona cholrangko on∙gen aro technology-ko jakkale obostani kri skie ra∙anirangko dakangna man∙gen ine official-rang ka∙dongsoenga.
Na·simang iakoba nina man·gen:
Na·simang iakoba poraina man·gen: Morikolong Dacoity case-o mongsonggipa matnangako man·gipa mande Nagaon encounter-o so·otako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
