Shillong, Sep 3: Adita salrangna skang Khun Hynnietreo National Awakening Movement (KHNAM)-ni working president Thomas Passah-ni Meghalaya-o Scheduled Tribed (ST) quota-rangko Khasi, Jaintia aro Garo jatrangnasa on·na nanga ine dabiani bidingo, Meghalaya Indigenous Minority Scheduled Tribe Forum (MIMSTF), Chief Secretary aro State Vigilance Commissioner DP Wahlang-ko uamangna dakchakaniko on·china mol·molaha.
“Chinga iako namen jegala aro ian Meghalaya-o donggipa gipin Scheduled Tribe-rang jekai Rabha, Hajong, Koch, Boro, Mann aro Karbi jat-rangko galchangani aro uamangni kosako mikkang niteaniko mesoka,” ine MIMSTF-ni Budbar salo Wahlang-na on·gipa memorandum-o janapaha.
A·doko BSF-ni special recruitment drive-ko janape, constitution (Scheduled Tribes) order, 1950, constitution (Scheduled Tribes) (Union Territories) Order, 1951 [Scheduled castes aro Tribe Lists-o taridapgimin gita (Modification Order) 1956, Bombay Reorganisation Act. 1960, Punjab Reorganisation Act, 1966, Himachal Pradesh Act. 1970, North-Eastern Areas (Reorganisation) Act. 1971, Scheduled Castes and Scheduled tribes Orders (Amendment) Act. 1976 aro Schedule Castes and Scheduled tribes Orders (Amendment) Act. 2002)-o pangchake Rabha, Hajong, Koch, Boro, Mann, aro Karbi jatrangko Meghalaya-ni mongsonggipa jat-gittamna agreba Scheduled Tribes ine mingako man·gen, aro uamangna niamchi chel·chakaniko on·gen ine forum-o talataha.
“Meghalaya-ni political party-ni working president-ni iandakgipa kattarangko agananiara a·doko songdonggipa dingtang dingtang jatrangni gisepo meli-nangrime donganiko nosto ka·gen. Political party-rang aro dilgiparang darang jatkoba ma·ekatna nangja indiba ku·cholsan ong·na, pilakkon watchangjana aro mande ra·na nanga,” ine uamang janapaha.
“Uandake, a·doko songdonggipa pilak manderangko chel·chakna, chinga “Meghalaya Indigenous Minority Scheduled Tribes Forum (MIMSTF)”-ni manderang iandakgipa chanchigija agangimin kattarangna aro niam-o janapgiminrangko pe·aniko aganchakchina mol·molatenga,” ine forum-o agandapaha.
Na·simang iakoba nina man·gen:
Na·simang iakoba poraina man·gen: Assam CM me·chikrangna ‘Lakhpati Didi’ Scheme-ko a·bachengate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
