Shillong, Apr 16: Meghalaya-ni Cabinet, Meghalaya State Language Act, 2005-ni palo Meghalaya Official Language Ordinance, 2026-ko namnike ra·chakangaha ine Skotong Minister Conrad K. Sangma parakataha.
Ia gital namnike ra·chakanggipa niamara, Meghalaya a·doko English baksana Khasi aro A·chikku-ko official language ine ra·gatani ong·a, jeni miksonganian ia ku·agananirangko sorkarini kamrango jakkalna, chadamberangna janggi tangani cholrangko namdapatna aro jolo agangipa ku·agananirangko ra·doanian ong·a.
Skotong Minister-ni aganani gitade, Khasi aro A·chikku-rangko ka·sine ka·sine sorkarini agan-golpogrikanirango, Assembly-o jera ra·grikanirango aro kamna dingtang dingtang porikka seanirangoba jakkalna a·bachenggnok. Indake onggenchimoba, ia ra·gatgimin niamrangko bimang pil·atnade ka·sinsinsa man·aigen maina rika cho·ani aro manderangko kamo ra·na a·dok sorkari adita somoirangko nangkugen.
Iani gisepon, a·jarangni gisepo aro official kamrangni bidingo agan-golpogrikaniko daknade English ku·sikkon mongsonggipa dake jakkalangkuaigen.
Ia ja·ku de·aniara Khasi aro A·chikku-ko Eight Schedule-o napatna dabianina chakpaaniko on·ani ong·enga ine aganengon, India sorkarisa bon·kamgipa ra·chakanikode on·anggen ine Skotong Minister Conrad K. Sangma u·iatangaha.
Na·simang iakoba nina man·gen:
Na·simang iakoba poraina man·gen: Da Vinci-ko mande ra·ani aro Vande Mataram-ni bilsi 150 ong·aniko gisik ra·anichi Shillong-o World Art Day-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
