Shillong, Aug 13: Meghalaya State Education Commission-ni report-ko Budbar salo, a•dokni Chief Minister Conrad K Sangma-na on•angaha aro ia report-ko on•anio, a•dokni Chief Secretary DP Wahlang, State Education Commission-ni membor-rang aro Education department-ni official-rangba dongpatokaha.
Ia State Education Commission-ara, Education department-ni ning•o, National Education Policy (NEP) 2020-ni dongimin daitorangko nipilna gita 2023 bilsini July 23 tariko songgipa ong•a aro ia commission-ni report-o a•dokni lekka porao ong•enggipa obostarangni gimin tariaha.
Ia commission-ni report-o, skulrangko mangrakbatatani, higher education ba chubata gadango lekka poraniko namdapatani, skigiparangna training-ko on•ani, chatro chatrirangni result-rang aro uandakgipa kamrangni bidingo am•sandie tariaha.
Ia State Education Commission-ni mongsonggipa daitoranga, skigiparangni dormaharangko nigrikani, kamo ra•anio ja•manchakaniko namatani, skul aro college-rango chalaianiko bilakbatatani, lekka porani pilak gadangrangon namgipa lekka porako on•ani aro NEP-ni niamrangko chu•sokatanian ong•enga.
Ia State Education Commission-ni report-ko ra•chakanio a•dokni Chief Minister Conrad K Sangma, dongpagipa manderangna aganengon, State Education Commission-ara, mikkangchi a•dokna mongsonggipa nangchakeaniko ra•banagipa ong•ani gimin ian lekka porani kamrangna namen nangchongmotgipa ong•a ine parakataha.
Ia report-o commission-ni pilak ku•pattianirangkon chu•sokatna sorkari kam ka•gen aro commission-jni ku•pattianio pangchake Expert Committee-ko songgen ineba ua ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Ramarango bostu palbadinggiparangna CM scheme-ni ning•o gong 10,000 ka•e on•enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
