Shillong, Nov 26: Skigiparangna skie on•anirangko dakna, u•i-ma•siani aro changa-sapanirangko bariatna aro kam ka•anirangko namdapatna Meghalaya Teacher Training Academy-ko autonomous society dake kulianiko Meghalaya Cabient ra•chake on•angaha.
Ia society-ko Directorate of Education Research and Training-ni (DERT) ning•o kuligen aro dingtang dingtang gadangrango skigiparangna dingtangmancha skie on•anirangko dakanggen ine Budbar salo tom•aniko dilani ja•mano a•dokni Skotong Minister Conrad K Sangma kobor ra•timgiparangna parakataha.
Uni aganani gitade, ia autonomous society-o skigiparang skie on•anirangko nirokatgen, uandake nambata bewalo skianirangko dakna man•gen aro dongimin miksonganirangko chu•sokatna man•gen.
Ia gital skie ra•chakramo namgipa gadango skie on•anichi aro tangka-paisarangko name jakkalanichi ia pilakkon namatna kam ka•gen.
“Skigiparangna skie on•anirangko dakna dingtang dingtang funding agency-rang donga aro uamang pilakan an•tangtangni gadangni kri skie on•anirangko dakenga. Iandakgiparango pangnande chingni nangnika gita biterangko man•ja, uni gimin society ge•sako kulie pilak agency-an una kam ka•na ba pilak programme-rangko ong•atna jekai teachers’ training-na tangka-paisarangko jakkalna, ia society-nan tangka-paisarangko watatgen aro ia society-ni gitan nama gadango skie on•anirangko dakanggen,” ine Sangma agandapaha.
Na·simang iakoba nina man·gen:
Na·simang iakoba poraina man·gen: Meghalaya Cabinet-ni tom·bimonganiko Ward’s Lake-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
