Williamnagar, May 12: Meghalaya State League (MSL) 2026 robol kal•susaanio, West Garo Hills a•jaoni Maram Football Club, Sombar salo, Seng Samla Umdang Pyllun baksa Pre-Quarter Final-o kal•enba goal 1-0-chi chegipa ong•aha aro da•o Quarter Final-ona doange, Tura aro Garo Hills gimiknan mikkim rasongko ra•baaha.
Ia kal•ani 68-gipa minute-o Tremachwal Ch Marak, goal-ko chipenba, Maram FC-ko chegipa ong•ataha aro ia a•dok gimikni robol kal•susaanio, Garo Hills-naba ka•donganiko ra•baaha.
Ia kal•susaanio chegipa ong•anichi Maram FC dolsamangmang, ia bilsini Meghalaya State League-o Garo Hills-oni Quarter Final-ona doanggipa dolba ong•aha.
Quarter Final kal•susaanio Meghalaya a•dok gimikoni nambatgipa dolchet kal•anggen aro ia dolrangko Group-A aro Group-B dake bak ka•aha. Maram FC-ba Group-B-o kal•anggen aro uamangni skanggipa Quarter Final kal•aniko, re•baenggipa May 14 tariko kal•anggen.
Ia bilsini Meghalaya State League-o Maram FC-ni nambee kal•anichi Quarter Final-ona doangna man•aniara, Garo Hills gimiknan mikkim rasongko ra•baani ong•aha.
Iana skang 2025 bilsioba Maram FC, Tura Super Division League Championship-o chegipa ong•aha aro uamangni iandake name kal•anichi da•o Meghalaya gimikni robol kal•anioba niksenganiko man•taiaha.
Indake A·chik a·song-oni Druma Sandruma dol-an skanggipa quarter final-ona dochenggipa ong·a, gnigipao Tura ni Chipakore FC aro da·o MARAM FC gittamgipa chegipa ong·e Meghalaya State League-ni Quarter Final-ko ka·langgen.
Na·simang iakoba nina man·gen:
Na·simang iakoba poraina man·gen: Assam-ni Palashbari jolo mande saksako mongma doka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
