Guwahati, Dec 27: Sukrobar salo Assam Legislative Assembly-ni Opposition-ni dilgipa aro Congress-ni dilgipa Debabrata Saikia, Bajrang Dal member-rangni Nalbari-ni Krismas antirangko nisianina BJP-ni dilenggipa Assam sorkariko matnange, jatrangni gisepo meligrikgijanirangko ra•baenga aro a•songni niam rongdiko on•gimin bilrangko chel•chakna man•jaenga ine aganaha.
Ia obosta namen namgijagipa ong•a aro a•doko dingtang dingtang toromrangni gisepo meli-nangrimani namroroangjaenga ine mesoke ine Saikia kobor ra•timgiparangna parakataha.
“Nalbari ong•gipa obostarang namen dukni ong•a. Prime Minister Delhi-o Santa Claus-ni topiko gane pilakkon gipakenga, indiba uamangni dolrangni manderang iano minority-rangko ka•mikkenatenga,” ine Saikia aganangaha.
“Niam rongdikni ning•ao Article 25-o janapgimin Right to Religion-ko iano ja•rikjaenga aro Assam sorkari mamungkoba dakjaenga. Skotong Minister an•tangan ka•mikkenate agananirangko dakenga. Ian namroro-silroroanirangko ra•bana amjae manderangko ekgrikatna sorkarini politics kal•ani a•sel ong•enga,” ine ua agandapaha.
Sorkariko chu•soke rikna man•gijaniko donnuna inenba manderangko ekgrikatna kam ka•enga ine Saikia matnangaha.
Assam-ni ge 6 jatrangna Scheduled Tribe (ST) status-ko ru•uta bilsirangoni dabienganiko chu•sokatkuja ine Saikia BJP dol politics-o kam ka•anio miksonge re•mikkangani dongja ine aganaha.
“Jat ge 6 ST status-ko man•na nanga. BJP sorkari ia obostako namatna skani dongja aro election-o chena inesa iako ja•manchakatenga,” ine ua aganaha.
Ua Amarai Pradhan Committee-ni 1996 report-ko janape, ua somoion pilak rai-rangko rongtale janapahachim ine aganaha. BJP Assam-o bilsi chikkungna sason ka•engaha ong•oba, committee report-rangni bidingo mamung ja•ku de•anirang dongkuja ineba Saikia aganangaha.
“2019 bilsio, election-na skang, jat ge 6-na ST status-ko on•na ine Rajya Sabha bill-ko a•bachengataha. Ua bill-ko ra•gatna da•omangba mamung neng•nikani dongja. BJP-rang vote-rangko man•na inesan somoi ra•doe dongainga,” ine Saikia matnangaha.
Uandake ua batanggimin somoio Congress-ni somoio daka gita ia bill-ko ra•gatchina adok aro ma•mong sorkarirangko mol•molaha.
Karbi Anglong-o so•sojengjeng ong•giparangni bidingo janapon, ua obostarang namen dukni ong•a aro Sixth Schedule-ni biaprangko namedake rakkina nanga ine Saikia aganangaha.
“Pandit Jawaharlal Nehru-ni ku•pattianichi Gopinath Bordoloi-ni dilgipa ong•engmitingo Sixth Schedule-ko ra•gataha. Da•o ong•enggipa obostarang ia naljoke dongipa biaprangko namedake rakkijani a•sel ong•enga,” ine ua matnangaha.
Sixth Schedule-ni biaprango a•palchini manderangko songdong-a•chana on•na nangja aro niam rongdikni ning•ao man•gimin uamangni bilko rakkina nanga ine raken aganangaha.
BJP sorkari kacharina affidavit-ko on•na man•jaha aro iani a•selan manderang so•sojengjeng ong•aha ineba ua parakataha.
“Sorkari affidavit-rangko namedake on•genchimode, ia obostarang namedaken matchotgenchim. Indiba uarangni palo, Goalpara, Dhubri, aro Kashutoli jolrango kacharioni ge•etani gri, bilsi chu•onggijagiparang donggiparangonikomangba manderangko a•rikataha,” ine Saikia agandapaha.
Na·simang iakoba nina man·gen:
Na·simang iakoba poraina man·gen: Assam aro Mizoram-oni sakgni bi·sarang Pradhan Mantri Rashtriya Bal Paraskar-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
