Imphal, Mar 27: Manipur a•dokni sak 10 Kuki-Zo MLA-rang, a•dokni manderang jemangan naljokaniko ra•e a•songni gipin biaprango dongengachim, Manipur-ni Parliamentary Election-o pu•onaniko dakna man•a gita, uamangni nangnikanirangko dake on•china inenba Election Commission of India (ECI)-ko mol•molataha.
Indake, 2023 bilsini May 3 tarikoni a•dokni a•kawe jolo dongenggipa Meitei-rang baksa nanggrikanio so•sojengjeng ong•ani jamano, dingtang sorkariko ma•ekate songe on•china dabienggipa sak 10 MLA-rang, minggittam mongsonggipa pangchakani katta bichongrango ga•chate, chong•motan, a•dokrang aro Union Territory-rang jitatako man•gipa Kuki-Zo jatrangko u•ichina, Manipur a•dokoni jitatako man•gipa Kuki-Zo-Hmar jatrangna dingtangmancha pu•onchakram biapko tarie on•china aro jitatako man•giparangoni pu•onna bilsi chu•onggipa manderangko Aadhaar ba gipin document-rangko jakkale pu•onna on•china inenba Election Commission-ko mol•molataha.
“Churachandpur aro Kangpokpi relief camp-o dongenggipa manderangna, ia Election-o pu•onna man•a gita nangnikanirangko, Election Commission of India dake on•engaha ine u•ina gita man•a. Apsan daken, a•songni dingtang dingtang biaprango naljokaniko ra•e dongenggipa manderangna, uamangni nangnikanirangko dake on•jagenchimode, Constitution-ni ning•o on•gimin bilrangko gimaata gita ong•enga” ine Kuki-Zo MLA-rang aganaha.
Unbaksana, Meitei Civil Society dolrang, a•dokni a•palo dongenggipa manderangna pu•onaniko dakna Postal Ballot-ko on•china ine Election Commission-na chittiko sedoataha.
Indake, Meitei Heritage Society (MHS) dolrangba, bang•a manderangan nambata janggi tanganiko tangna gita Manipur a•dokni relief camp-oni gipin biapona ong•katangtokaha aro ia manderangna pu•onchakram biaprangko tarisamsoa dongkujaenga ine EC-na seatgipa chittio janapataha.
Na·simang ia video-koba nina man·gen:
Na·simang iakoba poraina man·gen: Tura Catholic kamalrang Chrism Misaboliko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
