Shillong, March 7: Sonibar salo, Lok Bhavan-o tom·bimonganiko ong·atani somoio Meghalaya-ni Governor, C.H. Vijayashankar, North Eastern Hill University-ni (NEHU) skigiparangni segimin kingbri ki·taprangko oprake on·angaha.
Ia tom·bimonganio Governor-na Principal Secretary, H. C. Chaudhary-ba dongpae bak ra·angaha.
Oprake on·gimin ki·taprangara Prof Bikika Laloo Tariang-ni segimin Dad and the Salesman, Prof. Andriana Pyngrope, Prof. Bikika Laloo Tariang aro Rumika Talang-ni segimin Indigenous Games Played in the Khasi and Jaintia Hills of Meghalaya; Prof. Bikika Laloo Tariang-ni segimin Mandatory Poison and Other Shillong Things, aroba Prof. Tariang-ni segimin Shillong: Glimpses of a City Through the Lens of an Amateur Photographer ong·a.
Jinmana parake aganatengon, Governor Prof. Tariang aro unbaksa gipin senokgiparangko Meghalaya-ni dakbewalrang, niam-retirang aro salantio janggi tanganirangni bidingo sechimonganirangna mitele an·tangni nama skaniko on·angaha.
Iandakgipa kamrangara a·dokni su·ugipa itihas aro dingtangmanchagipa dakbewalrangko mikkangchini chasongrangna ripingna namen gamchatgipa ong·a ine aganangaha. Ma·ambioni dakbewalrang jekai Shillong-ni manderangni jatni kal·susaanirang aro janggi tanganio ong·gipa obostarangni gimin see rakkianiara jattangni dakbewalrangni gimin u·ibatna dakchaka aro an·tangni ja·pang ja·dil baksa nangrime dongna rakkia ineba Governor aganangaha.
Uandake, Prof. Bikika Laloo Tariang uamangni segimin ki·taprangko oprake on·anina aro a·doko poraia-skiani aro iandakgipa dingtangmanchagipa kamrangna dakchakanina Governor-ko mitelangaha.
Na·simang iakoba nina man·gen:
Na·simang iakoba poraina man·gen: Asia Pacific Championship-o chegipa M’laya-ni Kickboxer-rangko Guv mande ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
