Shillong, March 7: AFC Women’s Asian Cup-o skanggipa changna bak ra·e India women’s national football team-o susae goal-ko chipe rasongko ra·baanina a·dokni skotong minister Conrad K. Sangma Sanfida Nongrum-na lak 2 tangkarangko boksis on·gen ine parakataha.
Ia chadambe robol kal·gipako uni nambee chu·sokbaanina mande ra·na Chief Minister’s Special Grant-oniko tangkarangko on·atgen ine Skotong Minister social media-o parakataha.
Nongum, jekon “Meghalaya-ni demechik” ine aganronga, ua senior International gadango India-ni palo kal·susana re·anggipa a·dokoni skanggipa me·chik ong·aha ine Sangma aganangaha. AFC Women’s Asian Cup-o bilsi 23-o India-ni skanggipa goal-ko chipe ua an·tangna namgipa bimungko ra·baaha.
A·dokni skotong minister una uni chu·sokanina an·tangni nama skaniko on·ataha aro uni indake chu·sokani football-ko chubatgipa gadangona sokdoe kal·susaangna Meghalaya-ni aro Salgro Salaram-ni bang·a chadambe footballer-rangna didianiko on·anggen ine ka·dongsoe aganangaha.
Uni March 4, 2026-na skang, AFC Women’s Asian Cup-ko India-ni goal chipani somoio, Sanfida Nongrum atchian atchikujachim.
Ua uni senior India-na skanggipa changna kal·susaani somoio, aro continent-ni dal·batgipa tournament-o goal-ko chipe itihas-o namen gisik ra·na kraaniko ong·ataha.
Budbar salo, Perth Rectangular Stadium-o AFC Women’s Asian Cup Australia 2026-ko ong·atengmitingo India-ni skanggipa susaaniko Vietnam baksa kal·susaengon, 52-gipa minute-o Sanfida-ni goal chipaniara, kal·susaanio point man·anisan ong·aijaha indiba a·songna gimiknan rasong chaani ong·aha. Ian continental gadango India-ni goal chippilani aro international gadango India-ni sokdoaniko mesokaha.
Ia goal-ko chipaniara Sanfida-nade kusi baksa dukniba ong·aha.
“Angni India-na kal·chengani somoio, skanggipa goal-ko chipanina anga kusi ong·genchimoba, bon·kamachipak chingni chegipa ong·jahanina anga dukko man·aha. Chinga ianoni skie ra·anirangko jakkale Japan baksa kal·susaanina nichaksoenga,” ine ua kal·susaani ja·mano aganangaha.
Na·simang iakoba nina man·gen:
Na·simang iakoba poraina man·gen: NEHU Professor-rangni segimin kingbri ki·taprangko Governor Lok Bhavan-o oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
