Shillong, Oct 1: Non-Teaching Staff Association of North-Eastern Hill University (NEHUNSA), North Eastern Hills University (NEHU)-ni Executive Council (EC)-ni tom·bimonganiko ru·uta somoirangna ong·atgija donanina Union Education Minister Dharmendra Pradhan-ko dakchakaniko on·china didiataha.
EC-ara university-ni mongsonggipa authority-rang ong·a jean nangchongmotgipa kamrang jekai non-teaching staff-rangko kamna rakkiani kamrangko ka·gipa ong·a aro indake EC-ni tom·bimonganiko ong·atgija donani a·sel university-ni kamrango nangchakeako man·engaha ine uamang u·iataha.
Iani bidingo, NEHUNSA Vice Chancellor Prof. P. S. Shukla-ni bilsisa ong·na am·pile office-o asonggijanina matnangatengon, university-o dongimin niam-ni gita a·gipibatsranggipa Pro Vice-Chancellor-an VC-ni daito-rangko jako ra·e EC-ni tom·bimonganiko ong·atna nanga ineba uamang janapataha.
Indake ong·engon, Prof. Shukla-ra ru·uta somoirangnan kamona re·bagija dongengahani gimin una maming official tom·bimonganirangkoba ong·atna on·a nangja ineba uamang aganangkuaha.
Ia neng·nikanirangko namate on·china uamang dilgiparang jekai Rahul Gandhi, Shillong-ni MP Dr. Ricky AJ Syngkon aro Tura-ni MP Saleng A Sangma-na association-ni gita seachi u·iataha.
Na·simang iakoba nina man·gen:
Na·simang iakoba poraina man·gen: M’laya-ni gitchambatsranggipa mite noko Durga Pujako mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
