Shillong, Oct 31: Lekkako jakkalgija digital cholrangko jakkale Assembly-o kamrangko ka•na National eVidhan Application-ko (NeVA) a•bachengatanina Meghalaya Legislative Assembly-na Ministry of Parliamentary Affairs, India sorkari Certificate of Achievement-ko on•aha.
Ia certificate-ko New Delhi-ni Parliament House Annexe-o ong•atgipa 3-gipa National eVidhan Application-ni (NeVA) 3-gipa National Conference-ko October 30, 2025-o ong•atani somoio on•angaha. Ia tom•biminganiko Union Minister for Parliamentary Affairs, Kiren Rijiju oprake on•angaha.
Ia tom•bimonganiona Meghalaya Legislative Assembly-ni Commissioner & Secretary Dr. Andrew Simons aro gipinrang re•ange bak ra•aha aro Assembly-ni palo boksisko ra•chakaha.
Digital India Programme-ni ning•o a•bachengatgipa National eVidhan Application (NeVA), a•song gimiko assembly-rangni kamrangko ka•anirango digital cholrangko jakkalatna miksongenga. Ia cholko a•bachengate jaklalanichi nambate dakenggiparangoni Meghalaya-ni assembly-ba a•dok damsa ong•a.
NeVA-ko jakkale Legislative Assembly-ni memmberrang da•ode uamangni tablet-rang aro mobile phone-rangoni sing•anirang, u•iatanirang, kam ka•o ja•rikna nanganirang aro gipin kamrangko nina man•gnok. Ia cholko jakkalanichi Assembly-ni manderang aro sorkari-ni department-rangni gisepo je somoioba agangrikanirangko dake assembly-ni kamrangko ka•anio donnuani gri, namedake aro donggipa cholrangko jakkale kam ka•na man•gnok.
NeVA-ko ra•gatanichi Assembly-o lekkarangko jakkalani komibataha, uandake samtangtangna simsakani aro nisigijanina ja•ku de•anirangko dakna man•aha. Digital cholko jakkale Assembly-ni memberrang sing•anirang aro u•iatanirangko on•atna man•a aro uandaken kamrangko nambate aro ta•rakbate ka•na man•a.
Lekkarangko jakkalaoni digital cholko jakkalani gadangona namedake sokna man•na ine Meghalaya Legislative Assembly uni memberrangna skie on•anirangko dakrongaha.
Iandakgipa boksisko man•aniara dingtanggipa gitalgipa cholrangko ra•gatani, donnugija kam ka•ani aro samtangtangko nisiatjana Assembly-ni ja•ku de•aniko mesoka aro a•songni gipin legislative assembly-rangna ramako mesoka on•a.
Na·simang iakoba nina man·gen:
Na·simang iakoba poraina man·gen: ‘Roi Roi Binale’ ja·wilwat-ko opraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
