Guwahati, Aug 25: Northeast Women Entrepreneur Society (NEWES) me·chikrangko bil gnangatna, aro gisikni an·seng-baljokanichi mikkangchina re·mikkangna ine ja·pangko donenba Robibar attamo Guwahati-ni Hotel Gateway Grandeur-o tom·aniko ong·atangaha.
Ia tom·anio mingsinggipa me·chik dilgiparang, mental health expert-rang aro bading-chiwalani cholrangko bikote janggi tanggiparang damsan re·bae me·chikrangko bil gnangatani gamchatani aro mikkangchi bilakbatatna kam ka·ani gimin chanchirimanirangko dakangaha. Chasong gitalo janggi tanganio gisikni an·seng-baljokanian mongsonggipa pangchakani ong·engani gimin, ia tom·anio dingtang dingtang chanchibewalanirang, dake nianirang aro dingchikgipa agananirangko dake janggi tangani cholko an·tangtangna bikote ra·ani, dilgipa ong·ani aro gisikni bilakaniko mesokangaha.
Morigaon-ni DC Anamika Tiwari ia tom·aniona mongsonggipa sokgipa ong·e re·baaha aro unbaksana IPS Diganta Borah, senior journalist Mrinal Talukdar, educationist Chinmoyee Talukdar, aro dingtang dingtang skie ra·chakram biaprang jekai Gauhati University, Cotton University, Down Town University, aro Mahindra Institute-ni chatro-chatrirang re·bae bak ra·angaha.
“Cholgri-apgrigipa me·chikrangko dakchakna chingni kam ka·ani bilsi dok ong·aha. Da·alni tom·anio chinga gisikni an·seng-baljokaniko mongsonggipa ong·e ra·aha maina da·ororo janggitangko ra·ani, gisikni so·sojengjeng ong·ani aro gisikni sabisirangko man·anirang batroroenga. Psychologistrang, doctor-rang aro ukil-rang baksa agangrikanirangko dakem chinga manderangna mikrakatanirang aro cholrangko on·na miksongenga. Batanggimin bilsirango chinga Cancer sagipa me·chikrangna, sinjetako man·gipa bi·sarangna, doka-sataniko man·gipa me·chikrangna aro chi bananio neng·nikanirangko man·giparangna campaign-rangko ong·ataha aro Dr. B. Barooah Cancer Institute-na tangkarangko on·gilanirangko dakaha. Chingni mongsonggipa dakna miksonganide me·chikrangni ja·atangko chadengani aro an·tangtangna janggi tangani cholrangko bikote ra·aniko dakchakanian ong·a,” ine NEWES-ni president Amrita Dutta parakataha.
“Northeast Women Entrepreneurs Society, me·chikrangni gisikni an·seng-baljokanichi bil gnanganiko on·anina ia tom·aniko nambee ong·atangaha. Ian da·ororo nikna man·enggipa obostarang ong·a aro an·ching ia obostarangko mitchigija, donnua gri ong·atna kam ka·na nanga. Gisikni an·seng-baljokaniko namrenge ra·aniara bang·a namgija obostarangona sokata jekai janggitangko ra·ani, doka-satani aro uandakgipa sinjetanirang. Ia nangchongmotgipa agangrikanirangko chanchirimna ra·baanina anga organisation-na namen rasong chaa,” ine mongsonggipa sokgipa Anamika Tiwari aganangaha.
Ia tom·anio agangrikanirang, panel discussion-rang, aro an·tangna ong·gipa obostarangko janapanirangko dake, mikkangchi ja·ku de·na didianirangko on·angaha. Bak ra·giparang me·chikrangni gisikni an·seng-baljokanio dakna nanggnirang, bilakatanirang, aro songsarni aro organisationrangni dakna nanggnirangni gimin skie ra·angaha.
Ia tom·anio me·chikrangni dilanina aro tom·tome janggi tanganina gisik nanggipa entrepreneur-rang, kam ka·giparang, chatro-chatrirang, aro songdonggipa manderangna re·bae bak ra·na cholko on·angaha.
Na·simang iakoba nina man·gen:
Na·simang iakoba poraina man·gen: Garo Hills-o git ring·anina mingsinggipa Berkline Momin a·gilsakko watanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
