Tura, Aug 25: Garo Hills-o namnambegipa gitrangko tarie ring·anina mingsing minggamako man·gipa Berkline S Momin, ru·utbea salrangna saaniko man·e, August-ni 24 tarik Robibar pring 5:00 bajimango a·gilsakko watangaha.
Berkline Saka Momin, Millickson Koknal Marak sagi aro Geraldine S Momin saginini brigipa de ong·e, 1950 bilsini April 9 tariko, Chotcholja songo atchiaha indiba uko chonengmitingonin uni ma·a paa, Tura-ona rimbae Tura-on poraiataha. Poraia matchotani ja·man Momin sagi, Soil & Water Conservation department-o dingtang dingtang kamrangko ka·e, 2009 bilsio kamoni neng·takaha.
Uamangni pagipa Millickson K Marak sagi, jekai gitrangko tarie ring·na changa, apsan daken uni dedrangba gitrangko tarina aro git ring·na changgiparang ong·a aro uandaken Berkline Momin sagiba, uni pantemiting salrangonin gitrangko tarie ring·na a·bachengaha.
Uni mingsinggipa gitrangoni mitamranga, ‘Parakchengjok Na·a An·tangsa’, ‘Balgaoenga Nitogipa Pulni Bibal’, ‘Nikmanoba Nikna Gitik’ aro uandakgipa gitrangan ong·a aro ia gitrangko Momin sagi, All India Radio (AIR)-oba chipaha.
Uni iandake namnamgipa gitrangko tarina changani gimin aro ring·na changani gimin Momin sagina ‘Ku·riting Award’, ‘Saka Heritage Award’ aro 2013 bilsio ‘Ahaia Winter Festival Lifetime Achievement Award’-koba on·aha.
Momin sagi, ia 2025 bilsini January jamangonin ka·rongteo saaniko man·na a·bachengaha aro uko hospital-rango done sanna banna gita jotton ka·beahaoba ua an·sengpilna man·jae, August 24 tarik Robibar pring 5:00 bajimango, a·gilsakko watangaha.
Na·simang iakoba nina man·gen:
Na·simang iakoba poraina man·gen: Chang 40-gipa Meghalaya State Badminton Championship-o WGH medal ge-7ko ama
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
