Resubelpara, July 6: North Garo Hills-ni Mendipathar Multipurpose Cooperative Society Hall-o anti-gimikna ong·atgipa Cooperative Week-ko maniani sombar salo matchotangaha. “Cooperative Build a Better Future for All” ingipa katta bichongni ning·o, Ministry Cooperation-ni 5-gipa Foundation Day-ko maniani bak gita ia program-ko ong·atangaha.
NABARD-ni District Development Manager, Donald Sangma, NABARD-ni cooperative society-rangna tangka paisani gita on·enggipa dakchakarangni bidingo aganangaha. Iani gisepon, India a·songo register ka·gimin lakh 8.5 mangna bate cooperative society-rang gnang ine u·iatengon , North Garo Hills-o Multipurpose Dairy and Fisheries Cooperative Society-rangkoba ta·raken a·bachengatgnok ineba ua parakataha.
Cooperative Society-rangni Assistant Registrar R. M. Mawlong, ia anti-ni gisepo digital cooperative-rang, tangka paisarangko simsake jakkalani, game ge·e cha·giparangna namgniko ra·baani, dud ba dud-oniko tarigipa bosturang aro na·tok jile cha·giparang, mi misini birongrangko chimongani, tangsekgipa me·surangko ge·ani baksana chadambe aro me·chikrangni bakko ra·ani gamchatani bidingo session-rangko man·chape dingtang dingtang program-rangko ong·atangaha ine ua janapataha.
Cooperative Society-rangni a·gipibatgipa Registrar J. N. Sangma, bading chiwalaniko name chalaiani, see rakkianiko ranta ka·ani, tangka paisani hisaprangko sandiani aro cooperative society-rangko mangrakbatatna bang·bata manderangni bakko ra·na nangchongmotani gimin u·iate on·angaha.
MCAB Mendipathar-ni Branch Manager B. Ch. Momin, bank-o on·enggipa Kisan Credit Card Scheme, Direct Benefit Transfer Service-rang aro bosturangko donchakanina tangka paisani gita dakchakanirangko on·ani bidingo aganangskaaha.
MBDA-ni District Programme Manager Chingme Momin, an·tangtangni cooperative society-rangko mangrakbatatna gita jinma manderangko apsan kamrangko ka·china member-rangna didianiko on·angaha.
Mendipathar Multipurpose Cooperative Society-ko a·bachengdilgipa Sister Rose Kayathinkara, Society-ni re·mikkangbaani baksana songsalo manderangni janggi tanganiko namdapatna aro namroro silroroaniko ra·baanio uamangni on·gilpaani gimin jinmana aganangaha. T. G. Momin aro J. T. R. Sangma-ba ia tom·anio jinmana aganprakaniko dakangaha.
Na·simang iakoba nina man·gen:
Na·simang iakoba poraina man·gen: Assam Assembly-ni Budget Session-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
