Williamnagar, Aug 19: August-ni 18 aro 19 tarikrango Kharkutta Agro Fed Co. Limited baksana Seven Sisters Hospital & Research Centre nangrimenba salgnina, Free Health Camp ba indin sanne bane on•ani program-ko North Garo Hills a•jani Kharkutta aro A•dokgre songrango ong•atangaha.
Ia health camp-ko ong•atna gita Kharkutta-ni MLA Rupert M Momin an•tangan chu•gimik jako ra•e, songni nokni manderangna indin sanna bananirangko ra•na gita Goalpara-o donggipa Seven Sisters Hospital-ni dingtang dingtang specialist-rang, jekai ENT specialist, eye specialist aro unbaksana North Garo Hills a•jani District Medical & Health Officer-koba okamataha.
Ia program-ko ong•atanio songni manderangna indin sanna bananirangko on•an baksana nanga samrangkoba indin suale on•angaha.
Ia free health camp-ko ong•atanichi Kharkutta constituency-ni ning•o donggipa dingtang dingtang songni manderang, re•bae an•tangtangni nangani kri sanna bananirangko ra•na man•aha.
Ia free health camp-ko ong•atani bidingo talataniko on•angengon, a•doko songdongenggipa manderangna an•seng baljokaniko on•na gita a•dokni Chief Minister Conrad K Sangma, rakbee kamrangko ka•engani gimin da•alo ia free health camp-ko ia song damgnioba ong•atna man•aha aro songni manderangna indin sanna bananiko on•na man•aha ine Kharkutta-ni MLA Rupert Momin aganaha.
Ia health camp-ona re•bae songni nokni manderang sanna bananirangko ra•na man•ahani gimin an•tangni kusi ong•aniko parakatengon, mikkangchiba iandakgipa free health camp ba indin sanne bane on•ani program-ko an•tangni constituency-o ong•atangkugen ine Momin, ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Olympic Values Education Program-ko chalaina M’laya sorkari, Abhinav Bindra Foundation baksa soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
