Shillong, Aug 19: Meghalaya a•dokni pilak skulrangon Olympic Values Education Program (OVEP)-ko chalaina gita Mongolbar salo, Meghalaya sorkarini Education aro Sports & Youth Affairs Department, Abhinav Bindra Foundation baksa Memorandum of Understanding (MoU)-o soi ka•grikangaha aro ia soi ka•grikanio, Meghalaya a•dokni Chief Minister Conrad K Sangma, Olympic Gold Medallist aro Abhinav Bindra Foundation-ni founder Abhinav Bindra baksana dingtang dingtang official-rangba dongpae bak ra•angaha.
Ia program-na soi ka•grikanio a•dokni Chief Minister, jinmana aganprakengon, ia program-ara, a•dok sorkarini chadamberangna mikkang nitee ra•gatgipa program-rang baksa meliani gimin ian chadamberango namgipa gunrangko ong•atna aro chadamberangko kamtangtango bimchipgiparang ong•atna dakchakani ong•gen ine parakataha.
Ia program-ko Abhinav Bindra an•tangan dilengani gimin a•dokni chatro chatrirang, nambatgiparang ong•na, saksa sakgipin baksa melina aro mande ra•grikna didianiko man•gen ineba Chief Minister aganaha.
Ia OVEP-ko chu•sokgipa ong•atna sorkari, chu•gimik dakchakanirangko on•gen ine ku•rachakaniko on•angengon, a•doko songdongenggipa manderangoni 50 percent-na baten bilsi 20-na komigiparangsa ong•ani gimin ia program-ara mikkangchi chadamberangna bang•en namgniko ra•bagen ine Chief Minister aganaha.
Ia tom•anio Abhinav Bindra-ba aganprakengon, a•gilsakni seng•aniko ra•an baksana chatro chatrirangni gisepo namgipa gunrangko skie ra•ani bilrangko talate on•angaha.
Ia Olympic Values Education Program-ara kal•susaani gunrangchi, chatro chatrirangna a•gilsakni seng•ani aro namgipa bewalrangko skie on•na International Olympic Committee (IOC)-ni tarigimin program ong•a aro ia program-ko Meghalaya a•doko a•bachengatanichi skulo poraienggipa hajalni hajal chatro chatrirangna bang•en namgnirangko ra•bagen.
Na·simang iakoba nina man·gen:
Na·simang iakoba poraina man·gen: Skotong Minister Mawlai Presbyterian College-o Computer Lab-ko oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
