Shillong, Aug 19: A·dokni skotong minister Mongolbar salo Chief Minister’s Development Fund-chi (CMDF) rikgipa gital Computer Lab-ko Mawlai Presbyterian College-o oprake on·angaha. Lak 10 tangkarangchi rikgipa ia computer lab – digital learning-ko namdapatna aro chatro-chatrirangna gitalgipa technology-ko jakkalna cholrangko on·gen ine ka·dongsoenga.

Adita sal-somoirangna skang, a·dokni skotong minister-ni college-ona re·baon , computer lab-ko nangnikaniko college-ni manderang una parakataha aro da·o ua uko chu·sokatna man·aha ine kusi ong·e ua jinmana parakataha. Poraia-skianiko dakna cholrangko on·anian sorkari-ni dakna nangchongmotgipa ong·a inenba a·doko poraia-skiani cholrangko on·anio bang·a neng·nikanirang dongkuenga ine ua aganaha. Indake ong·genchimoba, skulrang aro skie ra·chakram biaprangko bilakatna aro pilak chatro-chatrirangna poraie-skie ra·ani cholrangko man·atna sorkari krenge kamrangko ka·enga ine ua talataha.

Uandake, college buildingko rikna lak 10 tangkarangko on·gen ine skotong minister Mawlai Presbyterian College-na dakchakangkuna ku·chakangaha. Una agreba, poraie-skie ra·anirang baksa an·tangtangko namdapatani dingtang cholrangkoba ra·china ine skotong minister doka-dam·ani bosturangko ra·na tangka lak 3-koba on·na ku·chakangaha. Chadamberangna dangdike on·anina college-ko mitele, mondoli, songsar aro sorkarini bakrime skie ra·chakram biaprangna dakchakaniko on·aniko skotong minister janapangaha.

Ia program-o college-ko chalaienggipa manderang, principal, skigiparang, mondolini dilgiparang aro college-ni chatro-chatrirang bak ra·angaha aro uamang skotong ministerko rimchaksoe, Meghalaya-o bidako nambatatna sorkarini kam ka·anirangna mitelangaha.

Also Read: RURALPRENEUR ’25-ko CM a•bachengate on•a

Also Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Download our app from playstore – Northeast Media Hub