Shillong, Dec 10: Meghalaya a•doko dingtang dingtang jatrangni dakbewal rikbewalko ra•dona kam ka•anio Meghalaya sorkarini Tourism department, dingtangmancha Nongkrem Dance-na Cultural & Tourism Amenities-ko Smit-ni Madan Syiem aro Lum Pomblang-o nokdonggae on•angaha.
Ia nokrangko nokdonggae on•anganio a•dokni Chief Minister Conrad K Sangma, mongsonggipa sokgipa ong•e bak ra•angaha aro unbaksana a•dokni Deputy Chief Minister Prestone Tynsong aro songni nokni dilgiparangba bak ra•angtokaha.
Ia nokrangko nokdonggae on•anganio a•dokni Chief Minister, jinmana aganprakangengon, a•dokni gamchatbegipa daka rikanirangko ripingna aro ra•dona nangengani gimin janapangaha.
Bilsi gittam atamangna skang uni Nongkrem Dance-ko nina re•baani somoio ua maming namroro silroroaniko nikna man•kujachim ine janapatengon, da•alo ia Nongkrem Dance-na Cultural aro Tourism-ni nokrangko rikaniara dingtanganiko ra•bana ja•ku de•chakatani gita ong•aha ine Chief Minister aganaha.
Ia project-ko matchotatna man•ahani gimin an•tangni kusi ong•aniko parakatengon, ia chrokchakgipa biaposan ong•aigija Madan Syiem aro gipin biaprangoba namroro silroroaniko nikna man•engaha ine Sangma aganaha.
A•dokko namroro silroroatna gita a•doko songdongenggipa pilak jatrangan ku•mong nangrimani baksa re•mikkangna nangenga ineba ua aganaha.
Ia tom•anio a•dokni Deputy Chief Minister Prestone Tynsong-ba jinmana aganprakangengon, Nongkrem Dance-na ia biaprangko taridape on•aniara namroro silroroaniko ra•bana a•dok sorkarini on•kange kam ka•aniko mesokani ong•a ine parakangaha.
Manderangna dongtoaniko aro naljokaniko on•na gita Iewduh Bazar-ko nitobatate tarina sorkarini ja•ku de•chakatanikoba ia tom•anio Tynsong janapangaha.
Na·simang iakoba nina man·gen:
Na·simang iakoba poraina man·gen: Jaintia Hills-o sak 150 doctor-rangko kamo ra•na a•bachengaha: Health Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
