Resubelpara, July 01: Chief Minister-ni Career Guidance and Counselling Scheme-ni ning·o, North Garo Hills-ni District Administration-ni dakchakanichi, Chima Apal Matgrik Cultural and Sports Club, North Garo Hills a·jani ning·o donggipa Dainadubi jolni Chima Apal songo, salsana Career Guidance Program-ko, June 30 tariko, ong·ataha.
Dainadubi PHC-ni Dr. Somban Sangma, Mendipathar College-ni gitcham principal A. G. Momin, aro Mendi Salpara Baptist Church-ni pamong Kalseng K Marak ia program-ona mongsonggipa sokgiparang ong·e re·baaha.
Uamang chadamberangna aro chatro-chatrirangna, mikkangchi janggi tanganio jotton ka·giparang ong·e poraianio chu·sokgiparang ong·china agan-skie on·a baksana, dingtang dingtang cholrangko basee, an·tangtangni changa-sapaniko jakkale, cholrangko bikote janggi tangchina didianiko on·angaha.
Indake ong·engon, iandakgipa cholrangko ong·atanio dakchakanichi bang·a chadamberangna aro chatro-chatrirangna nama skie ra·aniko dakna cholrangko on·anina Chima Apal Matgrik Cultural and Sports Club-ni dilgiparang North Garo Hills-ni District Administration mitelaha.
Na·simang ia video-koba nina man·gen:
Na·simang iakoba poraina man·gen: GOERA, Manda chio paikanani moilako galengani kosako badi ka·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
