Imphal, Oct 10: National People’s Party (NPP)-ara salgro salaram jolo bikotgipa dol ong·e, salgro salaram a·dokrango songdongenggipa manderangni nanganirangna ku·rang on·timgipa dol ong·a ine Sukrobar salo, Meghalaya a·dokni Chief Minister aro NPP-ni national president Conrad K Sangma aganaha.
Iani bidingo kobor ra·timgipa manderang baksa agangrikengon, NPP-ara Manipur a·doko bikotgipa party ong·e, dingtangmancha salgro salaram jolni manderangna ku·rang on·enggipa dolsamangmang national party ong·a ine Sangma aganaha.
NPP-ara high command ba chubata gadango donggipa dilgiparangchisan chalaigipa party ong·ja ine talataniko on·angengon, party-ni kamrangko sualgrike ka·ani aro joltangni manderang baksa bilake bakrimanian NPP-ni bilba ong·a ine Sangma aganaha.
NPP-ni dilgiparang pangnan manderangni aro a·doko party-ko dilgiparangni ku·rangko knachakna gisik nanggiparang ong·a ine janapatskaengon, banoba maiba neng·nikanirang ba nanganirang donggenchimoba pangnan kamrangko ta·rake aro pilakni nangnikani gitasa ka·a ine NPP-ni national president aganaha.
A·songni politics-o salgro salaram joloni ku·rang on·dilgiparang namen komia ine an·tangni suk ong·gijaniko parakatengon, ia kolgapgijaniko NPP-an kolgapatna man·gen ine Sangma aganaha.
Na·simang iakoba nina man·gen:
Na·simang iakoba poraina man·gen: Assam-M’laya simao tom·tomaniko rakkichina CM didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
