Imphal, Oct 10: Bristibar salo, Assam aro Meghalaya a·dokni simao dolgni dinggigrikanichi mande saksa so·otako man·ani ja·man, ia jolrango tom·tomaniko rakkichina gita Meghalaya a·dokni Chief Minister Conrad K Sangma didiataha.
Manipur a·dokni skotong Imphal songjinmao kobor ra·timgipa manderang baksa agangrikengmiting somoio ua ia kattarangko aganaha.
Bristibar salo, ia a·sel ong·ani, West Jaintia Hills a·jani Lapangap songo ong·aha aro ia a·sel ong·anichi mande saksa so·otako man·an baksana adita sak manderang, saknaanirangko man·na nangaha.
Ia jolrango dolgni dinggrikani ja·man so·sojengjeng ong·anirang batroroangjana gita District Administration, curfew-ko ra·gatangaha.
Ia a·selni bidingo kobor ra·timgiparangna talataniko on·angengon, simani samtangtango donggipa dolgni manderangni gisepo jegrikna a·bachengani a·sel ja·mano dolgni dinggrikaniona sokaha indiba ja·mano police-rang sokbae, so·sojengjeng ong·aniko namatpilna man·aha ine Chief Minister Conrad Sangma aganaha.
Dolgni dinggrikanio mande saksa siangna nangahani gimin an·tangni suk ong·gijaniko parakatengon, Assam aro Meghalaya a·dokni gisepo ru·utbea bilsirangna meligrikna man·jaenggipa biaprangko namatna gita agangrikengani gimin dolgnini gisepo tom·tomaniko aro nangrimaniko rakkina nanga ine Sangma aganaha.
Assam aro Meghalaya a·dokni gisepo meligrikna man·jaenggipa gimik dam 12 biaprang dongachim ine janapatengon, a·dok damgnini gisepo agangrikanichi ia dam 12 biaprangoni damdok biaprangkode tik ka·grike namatna man·aha ine Sangma aganaha.
Ma·mong sorkarini dilanichi ua, Assam a·dokni Chief Minister Himanta Biswa Sarma baksa bangki dongkuenggipa biaprangoba tom·tomani aro meligrikaniko ra·bana kam ka·angkugen ineba Meghalaya CM ku·rachakaniko on·angaha.
Na·simang iakoba nina man·gen:
Na·simang iakoba poraina man·gen: BJP dol bilsi 7-ni me·a bi·sako so·otani kosako jegalatan baksana ta·rake ja·ku de·aniko dakchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
