Tura, Feb 15: National People’s Party (NPP)-ni balwa bilakbee balengani giminsa a·dokni pilak biaprangon dingtang dingtang political dolni manderang NPP-o naptokenga ine Budbar salo, NPP-ni national president Conrad K Sangma, 40-Bajengdoba constituency-ni NPP candidate Pongseng R Marak-na Gabil songo campaign ka·engmiting somoio aganaha.
Ia Assembly election-o NPP chegopna gita siengani gimin gipin political dolrangna pu·onede maming namgni dongjawa ine ia tom·anioba Sangma agantaiaha.
Through the people’s Absolute Trust, NPP is all set to get Absolute Majority in Meghalaya.
Our initiatives in 5 years have shown our mission for our grassroots people and they will choose NPP Again for 2023. pic.twitter.com/RTy6UsKD52
— Conrad K Sangma (@SangmaConrad) February 15, 2023
Bajengdoba constituency-ni MLA Pongseng Marak-ko mittelpile aganangengon, ua an·tangni constituency-o namroro silroroaniko ra·bana gita pangnan sorkari baksa agangrikrongaha aro ua an·tangni constituency-ni manderangna ka·saani gimin pangnan an·tangni man·a gita kamrangko ka·e on·ronga ine Sangma parakataha.
Ia election-o uko seoke NPP-ko aro uko bilakbatatna gita an·chingna ia chol ong·enga ineba NPP-ni national president aganaha.
Gabil songo tom·bimonganiko ong·atanio game ge·e cha·gipa bang·bea manderang bakko ra·angtokaha aro ia tom·anio NPP-ni national president, NPP-chi dilgipa sorkarini a·bachengatgipa FOCUS aro FOCUS Plus program-ni gimin jinmana agan-talate on·na cholko ra·angaha.
Ia scheme-ko a·bachengatanichi game ge·e cha·gipa nokdangrang aro Producer Group-rang dolantian, an·tangtangni gama ge·ani aro gipin janggi tangani cholrangko a·bachengatna gita gong lak 1-mangko man·aha ine Sangma parakataha.
A·doko game ge·e cha·gipa lak 4.5 manderangko dakchake on·angkuna gita NPP-chi dilgipa sorkari, mikkangchiba ia scheme-ko jako ra·angkugen ineba ua parakataha.
TMC-ni ra·baenggipa WE Card aro MYE Card-ni gimin janapatskaengon, ia scheme-ara manderangko tol·pinapgipa scheme-rangsan ong·aia maina uamang sorkariko rikna man·genchimode tangka paisarangko manderangni account-rango chipatgen ine aganenga indiba manderangni account-rangko ra·gijasa uamang manderangni bimingrangko ia scheme-na segatenga ine NPP-ni national president parakataha.
Songsalo an·tangtangko jokatgiparang gita mesokna jotton ka·enggipa dolrangko chena man·na gita apsan ku·cholsan ong·china gitaba ua manderangko didiangaha.
