Shillong, Feb 15: Meghalaya-ni skotong minister Pa Conrad K Sangma, Shallang songona Butbar salo wenanganio, a·jani MLA ong·enggipa aro re·baenggipa Assembly election-o NPP dolni candidate ong·e 34-Mawshynrut constituency-o susatainasienggipa Gigur Myrthong-ko saksa a·joltangna kakket ong·e aro bimchipe kamko ka·gipa ong·a ine parakatenba, uamangni candidate-na vote-ko on·china gita jolni manderangko mol·molangaha.
Tom·ao jinmana aganprakangengon, Mawshynrut constituency-o dingtang dingtang dakgipa neng·nikanirango sorkarini nirokataniko nangnike uamangni MLA pangnan uko grongronga aro a·joltangna namroro-silroroaniko ra·bana gitaba ua gisiko nanggipa ong·a ine NPP-ni padot jinmao parakangaha.
Unomiting, Shallang songni bang·bea manderang adasu onchongna tarisogipa biapo skotong minister-ko rimchaksotokaha aro tom·chakgipa biapona uamang gimikan skotong minister baksa re·angtokpaaha.
Ia tom·anio, a·jani dingtang dingtang political dolrangna chakpagipa bang·a manderangba NPP dolo napangtokaha.
