Shillong, May 27: Rajya Sabha election-o candidate-ko susaatna gita National People’s Party (NPP)-ni gisepo meligriktokjaenga ine Congress president Vincent Pala-ni matnanganiko Budbar salo, Meghalaya a•dokni Chief Minister aro NPP-ni national president Conrad K Sangma jegalatenba, Congress-ni ning•o be•gruanirangkon nichengchina gita Pala-ko didiataha.
NPP-kode kosakoni ge•etanirangchi chalaia ong•ja indiba jinmani namnikanichisa chalaia ineba ua talataniko on•angaha.
Maiba neng•nikani ba chu•sokatna nangani kamrang dongon, maming ja•kurangko de•na skangba pangnan jinma chanchirimchengesa ja•kurangko de•a ineba Sangma aganaha.
Congress president Vincent Pala-ni matnanganirangna aganchakaniko on•angengon, NPP-ni ning•o ong•enggipa obostarangna ua jajrengna nangjawa aro party-tangni ning•o be•srianirangkon ua nina nangbatenga ine Sangma aganaha.
Pilakan an•tangtangni nangnikani aro chanchianirangko aganna man•aia indiba bon•kamaode NPP-ni membor-rang, pangnan a•dokni namgnina aro party-ni namgnina chanchiesa kamrangko ka•a ineba Chief Minister aganaha.
Rajya Sabha election-ni bidingo janapatengon, ia election-oba party-ni dilgiparang aro membor-rang pilakan apsan chanchirimesa candidate-ko seokgen ine Sangma parakataha.
Rajya Sabha election-o MLA-rangsa seokgiparang ong•gen, uni gimin party-ni dilgiparang aro membor-rang pilakan apsan chanchiesa ja•kurangko de•gen ineba ua aganaha.
Na·simang iakoba nina man·gen:
Na·simang iakoba poraina man·gen: UCC-ni bidingo seanirangko nichenggijade mamingkoba aganjawa: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
