TURA, May 27: MeDPCL-o lineman ka·enggipa Tura, Megonggre-ni bilsi 43 ong·gipa Dalben Ch. Momin, May jani 26 tariko Tura, Edenbari-ni Dachima-o nosto ong·gipa bijoliko tarimiting somoio bijoli nange siaha. Ia ong·a obostara, May jani 25 tariko mikka balwarang ta·rakani a·sel bang·a bijolini silitingrang nosto ong·ata ja·man ong·aha, jeni a·selan Tura gimikko bijoli gri ong·ataha.
Dalben, MeDPCL-o bilsi 23 ong·na am·pile kamko ka·gipa ong·achim aro ua mikkarang jimbee waani a·sel neng·nikanirangko man·genchimoba restoration team ba nosto ong·gipa bijolirangko tarigipa dol baksa kamrangko ka·engachim. Official-rangni u·iatani gitade, nosto ong·gipa bijolirangko tarina gita ja·tingchinin bijoliko kimitaha ine uamangni koborko ra·a ja·man bijoliko tarimitingosa uko bijoli nangaha. Dalben sagi uni jikgipa aro degipa sak 3 baksa janggi tangpaengachim. Department-ni gita duko ga·akgipa nokdangni manderangna tangka gong 52,000-ko on·angaha.
MeDPCL, Tura Distribution Division-ni Executive Engineer P. T. Sangma Hub News-na aganengon, Dalben saksa bimchipgipa aro an·tangko on·kange kamtangko ka·gipa ong·a ine aganengon, ia ong·a obostako uamangni department-na namen ka·a be·ani ong·aha ine janapataha. Official-rang ia ong·a obostani bidingo Senior Electrical Inspector am·sandianiko dakgen ine u·iatengon, ian mikkango donge bijoli tarianiko dakgiparangni naljokanina aro kam ka·ani obostarangni bidingo jajrenganiko nakatataha.
Na·simang iakoba nina man·gen:
Na·simang iakoba poraina man·gen: NPP-ni ning•o Rajya Sabha election-na jegrikani dongja: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
