Shillong, May 27: Uniform Civil Code (UCC)-ni niamrangko an•tang poraie nichenggijade mamingkoba aganjawa indiba Uttarakhand aro Assam a•dok damgnion UCC-ko pass ka•anio Tribal-rangko watchanggalaniara Tribal-rangnade ka•dimeani gita ong•a ine Budbar salo, Meghalaya a•dokni Chief Minister Conrad K Sangma parakataha.
UCC-ara maiko miksonga aro maidakgipa kam ba niamrangko apsan ong•atna miksongenga, iakosa ua ma•sie ra•chengna nangnikenga ineba Sangma aganaha.
Chief Minister-ni aganani gitade, Tribal-rangni daka rikani aro niam retirangara gipin jatrangoni namen dingtangani giminsa a•bachengo ua, UCC-ko ra•chakna man•jawa ine jechakahachim indiba da•o Uttarakhand aro Assam a•dokrango UCC-ko pass ka•ahaoba, Tribal-rangchide nangchakeaniko ra•bajana gita ia niamoniko watahani gimin ua rang•speaniko man•aha.
Meghalaya a•dokode UCC-ni niamrangko che•em che•em poraie nichengna nanggen ine janapatengon, Meghalaya a•dokode me•chikrangkosa dal•bate ra•ani gimin aro ma•gipachipakkosa chatchi de•ani gimin a•songni niamrang baksa namen dingtanggrika aro UCC-ko ra•gatanichi iako dingtangatna nanggenchimode inesa uamang jajrengsoengachim ine Chief Minister parakataha.
Indake ong•genchimoba, UCC-ni bidingo mamingkoba chu•gimik aganna skang, niamrangko name poraichengna nanggen ine Sangma agantaiaha.
Na·simang iakoba nina man·gen:
Na·simang iakoba poraina man·gen: Gital niamrangko ra∙gatna skangan minister-rangni songre-songgabatanina rai on∙manaha: M’laya sorkari
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
