Dibrugarh, June 17: Sivasagarni Bhatiapar-o ONGC gas selaniko namen namjabegipa obosta ine, te-350 nokdangrangni manderang neng·nikanirangko man·enga aro relief camprango dongenge ine Assamni Skotong Minister Himanta Biswa Sarma Mongolbar salo parakataha.
Chief Minister’s Relief Fund-oniko 25,000 tangkarangko nokdangprakna on·chenggen, aro ja·mano on·dapanirangko dakgen ine Sarmah Dibrugarh-o kobor ra·timgiparangna u·iataha.
Assam Chief Secretary ONGCni Chairman aro Managing Director Arun Kumar Singh baksa agangrikaha ine skotong minister parakataha. Obostarang namrorojaengani gimin, gas selaniko dontongatna ine ONGC, United States-oni specialistni dakchakanikoba am·ataha.
Obostako namatna kam ka·anirangko nipilna aro neng·nikanio ga·akenggipa nokdangrangna dakchakangkuna, Union Petroleum Minister Hardeep Singh Puri baksa video conference-o agangrikanirangko dakgen ine, nanggenchimode Sarma an·tangan Sivasagar-ona re·ange nirokaniko dakegen ineba ua aganaha.
Ia a·sel ong·aniko mikrontangchi niena ine skotong minister Sombar walo Sivasagar-ona re·angahachim.
Union Petroleum Minister Hardeep Singh Puri, ONGCni RDS#147A gas donchakaniko chalaianirangko an·tangan niaha ine social media-o gatataha. Gas donchakgipa well-o sinjetanirangko man·anichi batanggimin sal-4 joljolna gas selaha, aro skanggipa salon ua jolo donggipa manderangko naljokgipa biapona jitate pilak nanganirangko on·enga ine ua aganaha.
ONGC-ni dingtang dingtang kam ka·chakgipa biaprangoniko kam changgipa manderangko okamataha aro bilakgipa fire-pumprang, frack pumprang, aro gipin bosturangko obosta ong·gipa biapo jakkalenga, uandake ONGC officerrang gipin a·songoni u·i-ma·sigiparang baksa dikdikprakon agangrikanirangko daka baksana ka·sinate rakkina aro wa·alko champengna water blanketrangko jakkalenga ineba Puri talate on·angaha.
Na·simang ia video-koba nina man·gen:
Na·simang iakoba poraina man·gen: Kamrang ka•sinengani a•sel Umshyrpi-o apchangket ong•engani gimin NHIDCL-ko matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
