Agartala, July 19 : Congress-ni Deputy Leader, Gaurav Gogoi, gitcham union minister Tariq Anwar aro gipin a•gipi batgipa dilgiparang baksa, a•doko Panchayat polls-ni bidingo jatsa jatgipin baksa nanggrikani a•sel so•so jengjeng ong•engani gimin agan-golpogrikaniko dakna gita, Tripura-ni Governor-ko grongeaha.
Manipur-o jatsa jatgipin baksa nanggrike so•so jengjeng ong•gipa apsan dakgipa obosta-ko chinga Tripura-o ong•atna sikja, inenba Gaurav Gogoi, Congress dolni jajrenganiko parakatenba, Congress dol pilak jat aro manderangnan apsan kakket bichalko nangnika ineba aganangkuaha.
Tripura-ni Ganda Twisa-o jatsa jatgipin baksa nangrikani a•sel so•ota man•gipa chadamberangna aro nosto ka•e galako ba so•e galako man•gipa nokrang, dokanrang aro gamjinrangna, Congress dol kakket bichalko nangnika inenba Gogoi kobor ra•timgiparangna u•iataha.
“Tripura-o chingni dolni dilgiparang, re•baenggipa Panchayat election-ni bidingo Ganda Twisa-o kajia ong•ani bidingo police dolrangna changni chang koborrangko on•atahachim, indiba sorkarini gita dos dakgiparangni kosako maming ja•ku de•aniko dakjaha,” inenba ua aganangaha.
“Prime Minister Narendra Modi, India a•song democracy-ni bimang ong•a inenba aganrongachim. Uni gimin chinga sorkariko Tripura a•doko democracy-ko jarikchina gita didiata. Tripura a•dokko democracy-oniko ra•galna nangja,” inenba Gogoi agandapangkuaha.
“Chingni party-ni candidate-rangko bang•a constituency-rangon nomination ka•na gita on•jaenga aro indake ong•gen ong•ode re•baenggipa August jani 8 tariko vote ka•nagiparangara pu•onchakgipa biapona sokna man•genma ine chanchina nangao ga•akenga. Chinga iani bidingo che•em che•em talatenba sukrobar salo Governor-na memorandum-ko on•a tik ka•aha,” ine aganan baksa Gogoi, Governor-ko nirokatchina mol•molaniko dakangaha.
Agartala-ni km 130 mangni gita chelao donggipa, Ganda Twisa-o chadrapgipa dolrang te 40-na batpile nokrangko, te 30 dokanrangko aro bang•bea garirangko so•e ba nosto ka•e galangaha, ine official-rang u•iataha.
Ia so•so jengjeng ong•ani a•sel, songo donggipa sak 300 manderang dingtangmancha tarigipa camp-rango ma•chake dongenga. Nangchakea man•gipa 166 nokdangrangna Tripura sorkarini gita tangka gong lakh 1.60-ko on•anggen ine parakataha.
Na·simang ia video-koba nina man·gen:
Na·simang iakoba poraina man·gen: Tura-o AIFF D License Coaching Course-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
