Shillong, Jylliew 23 : Ka BJP Meghalaya ha ka sngi Ba-ar, kala pynpaw ba kan ym pat shym rai halor u kyrtong na ka bynta ka elekshon shiteng samoi ka Shilong Lok Sabha katba ka Election Commissioner ka ri India kam pat pynbna ia ka tarik ban pynlong ia ka elekshon.
Ia kane ka pynpaw da u President ka party Rikman G Momin haba ban jur ba kane ka rai ka shong ruh ha ki nongialam na Delhi.
Haba iakren bad ki nongthoh khubor hadien ba pynrung dkhot ia u MLA barim ka West Shillong Bah Mohendro Rapsang, u Rikman ula iathuh “Ia kane ka jingkylli la kylli ia nga mynta la lai-saw bnai”.
Haba kylli la u Bah Rapsang u lah ban long u kyrtong ha kane ka elekshon, ula bynrap “Kane kam shong ha nga, kane ka dei ka parliamentary election (kaba hap ban rai da ki nongialam na Delhi)”.
U Rikman ula pyntip ba ka Meghalaya BJP kala pynkhreh hynrei kan ap pat ia ka jingpynbna jong ka ECI.
“Ki nongialam jong ngi na Delhi ki dang ap ia ka jingpynbna jong ka ECI. Haduh mynta, ka ECI kan dang ban pynbna. Kam don eiei ban kyrkieh. Ngi la nang pynkhreh ia ki kam kiba dei ban leh” ula ong.
Ka shuki MP ka Shillong Lok Sabha kala lait thylli hadien ka jingkhlad noh u MP Dr Ricky AJ Syngkon ha ka 19 tarik Rymphang mynta u snem.
Ka ECI kan dang ban pynbna ia ka tarik jong ka elekshon shiteng samoi.
Pule ruh : Hiar jurip u DyCM ia ka surok ba twa ha Laitlyngkot | Thmu pyniaid noh ia ka surok na Laitkynsew
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
