Shillong, Oct 15: Meghalaya a·dokoba da·o petrol-ni dam gong 100/-ona tang·doahani a·sel gari gorarangko jakkalenggipa manderang neng·nikanirangko chagrongna nangtokengaha aro uandaken a·doko taxi-rangko sale cha·enggipa manderangba apsan dakgipa neng·nikanirangko chagrongna nangtokengahani gimin sorkarini kosako jingjengatanirangko dakna ka·mikkenattokaha.
Bristibar pring dipetan Meghalaya a·dokoba petrol-ni dam litre-prako gong 100/-ona tang·doangahachim aro petrol-ni damrang dongtonggija tang·dorikrikengani a·sel gari gorarangko jakkalenggipa aro taxi-rangko sale cha·enggipa manderang bang·a neng·nikanirangko chagrongna nangtokengahachim.
Petrol-ni dam rakbatahani gimin gari parani damkoba bariatskana nangengaha ineba Taxi association, sorkario dabiangaha.
Petrol-ni damko komiatpilchina gita sorkario dabiangengon, mikkangchiba apsan daken petrol-ni damrang tang·dorikrikangkugenchim ong·ode taxi salgipa garirang, re·ruraaniko dontongate sorkarini kosako jingjengatanirangko dakanggen ine mikrakataniko on·angaha.
